Murod Ismoilov: “Bekoboddan ochko olib ketishimiz ham mumkin edi”

- “Metallurg” jamoasi O'zbekistonning kuchli klublaridan biri ekanligini bilganimiz uchun ham bu jamoani “Nasaf”ga qarshi o'tkazgan o'yinini diskini ko'rib chiqqandik - deya gap boshladi Murod Ismoilov. - Bugun Bekoboddan ochko olib qaytishimiz ham mumkin edi. Afsuski qulay vaziyatlardan unumli foydalana bilmadik.

- Futbolchilarimni jismoniy xolatini yomon deb aytolmayman. Faqat bugun boshlang'ich tarkibga kiritgan ikki yosh o'yinchimiz – Izzat G'aniev bilan Otabek Zokirovda bu borada muammo bo'ldi xolos. Birinchi bo'limda yuzaga kelgan vaziyatlardan foydalana olmaganimiz qimmatga tushdi.

- Qolaversa jarohat sababli tarkibda bir nechta o'zgarishlar qilishga majbur bo'ldik.

- Bekobodlik hujumchimiz Zohid Abdullaev ham aynan betobligi tufayli bugungi o'yinda jamoaga yordam bera olmadi - deydi Ismoilov.