"Murabbiyning o'zgarishi hayot to'xtab qolganini anglatmaydi". "Metallurg" futbolchisi Ixtiyor Toshpo'latov ilk g'alabadan so'ng yana nimalar dedi?

"Mavsumdagi birinchi g'alabamizni o'z maydonimizda, muxlislarimiz qarshisida nishonlaganimizdan xursandmiz. Aytganimdek ochilish uchrashuvi bo'lgani uchun g'alaba qozonishdan boshqa choramiz yo'q edi. Raqibni mag'lub etib bayramona kayfiyatni davom ettirishni niyat qilgandik. Ishqibozlarimiz oldida ham yuzimiz yorug' bo'ldi. Birinchi turda "Surxon" bilan uchrashuvda rejalarimiz ish bermadi. SHu bois ikkinchi turda o'z o'yinimizni ko'rsatishimiz shart edi.

To'g'ri, startdagi ilk bahsdan so'ng jamoamizda murabbiy o'zgardi. Lekin bu bilan hayot to'xtab qolmaydi. Jamoamizni tark etgan Andrey SHipilov uchun ham o'ynashimiz va o'zimizni ko'rsatishimiz shart edi, deb o'ylayman. "Bunyodkor" bizga har tomonlama qarshilik ko'rsatishga urindi. Ammo omad bizga kulib boqdi. 

SHahzod Nurmatov majburiy o'zgartirildi. SHundan so'ng murabbiylarimiz mendan oldingi chiziqqa o'tib o'ynashimni aytishdi. Buning sababi esa men avval ham hujumda to'p tepganman. Bu borada qiyinchilik bo'lgani yo'q",- deydi futbolchi.