Muhammadali O'rinboev: "Eronni CAFA turnirida yutganmiz, Osiyo kubogida chempionlikdan boshqasi qoniqtirmaydi"

Kecha turnirning guruh bosqichiga qura tashlandi. Eron, Indoneziya, Yaman bilan bir kvartetdan o'rin olgan vakillarimiz endilikda tayyorgarlikka yanad kuchliroq urg'u berishadi. Bu borada terma jamoa sardori Muhammadali O'rinboev fikrlarini bildirdi. 

"Bunday katta turnirlarga barcha jamoani hurmat qilgan holda tayyorlanish kerak deb o'ylayman. Maqsadimiz faqat guruhdan chiqib to'xtab qolish emas, balki Jahon chempionatiga yo'llanma olish va bosh sovringa ega chiqish. Yo'limizda kim raqib bo'lishidan qatiy nazar o'z maqsadimizga erishishimiz shart. Boshqa natija bizni qoniqtirmaydi. Ikki karra Osiyo chempioni bo'lib yangi tarix yozishni istaymiz.

Hozir hayolni faqat Eronga qaratib qo'yish to'g'ri bo'lmaydi. Biz bu jamoani hattoki bizdan 1-2 yosh katta jamoasini yutganmiz. Bizni turnirda yaxshi o'yinlar kutmoqda. 

Klubdagi faoliyatimga kelsak, bilasiz ko'p vaqtimiz terma jamoa ixtiyorida bo'lmoqda. SHu bois klubda o'yin amaliyotiga ega bo'lmayotgandim. Oxirgi turlarda esa ishonch bildirishmoqda. Buni oqlashga harakat qilaman va o'z ustimda ishlashdan to'xtamayman",- deydi Muhammadali O'rinboev.

Abdulaziz Iskandarov suhbatlashdi