Muborakdagi fotomaqolada: Uchrashuvning eng yaxshi jamoasi navoiylik muxlislar
24 may 2015 13:22
Yangiliklar

Muborakdagi fotomaqolada: Uchrashuvning eng yaxshi jamoasi navoiylik muxlislar

Oliy liganing 10-turida Muborakning "Mashal" jamoasi o'z maydonida "Qizilqum" (0:0) bilan to'qnash keldi.

Uchrashuvning eng faol futbolchisi so'zsiz "Qizilqum"ning 12-raqamli o'yinchisi hisoblanmish navoiylik muxlislar bo'lishdi. SHuncha yo'l bosib Muborakka qadar kelgan ishqibozlar butun o'yin davomida suyuklilarini qo'llab-quvvatlashdi. Bu borada ularga katta #respect

Uchrashuvga to'xtaladigan bo'lsak, o'yin asosan maydon markazida kechdi. Teng kurashlar ostida o'tgan bellashuv yakka-kurashlarga boy bo'ldi. Biroq stadionga kelgan ishqibozlar bundan ortig'ini ko'rishmadi, yani uchrashuvda gol kiritilmadi

Futbolda o'yin davomida futbolchilarga tegishli ko'rsatmalarni bosh murabbiylar berib borishadi. Lekin Muborakdagi o'yinda mehmonlar ijrochi direktori Hamid Aktamov bosh murabbiy sifatida gavdalandi.

O'yin yakunlanganidan keyin mahalliy ishqibozlar ochiqchasiga "Mashal" futbolchilarini yaxshigina so'zlar bilan "tuzlashdi". Biroq Ivanov ularga qarata minnatdorchilik tariqasida qarsak chalib qo'ydi. Uning bu harakati tahsinga loyiq. Lekin Ivanov mahalliy muxlislarni nima deganini tushunmagani aniq. Odatda Evropada jamoasi yutqazgan paytida ham muxlislar o'z suyuklilarini faol qo'llab-quvvatlashadida...

- Uka, siz "CA"da ishlaysiz-a?
- Ha
- Bizning ham rasm saytda chiqsin, ko'raylik
- Muxlislar iltimosi erda qolmaydi, mana "Mashal"ning ikki nafar ishqibozi

"Mashal" menejeri Ilhom Qurbonov hamda "Qizilqum" ~~bosh murabbiyi~~ ijrochi direktori Hamid Aktamov o'yindan so'ng uchrashuv borasida bahslashishayotgan vaziyat. Hissiyotlar junbushga kelgan vaqt

Uchrashuvning to'liq fotogalereyasini quyida tomosha qilishingiz mumkin.

SHahboz Beg'amov

Havola :

Manba : championat.asia

Yangiliklarni Telegramda o'qing!

Reyting: