Mirjalol Qosimov: "Guruhda birinchi o'rinni egallay olamiz"

Eslatib o'tamiz, O'zbekiston terma jamoasi "H" guruhida Bahrayn, Fillipin, KXDR va Yamanga qarshi kurash olib boradi.

"Quradan ko'nglim to'ldi. Bizning guruhimizda kuch jihatdan teng jamoalar yig'ildi va biz qiziqarli uchrashuvlar guvohiga aylanishimiz mumkin. Maqsadimiz - birinchi o'rinni egallab, jahon chempionatida ishtirok etish uchun kurashni davom ettirish. Biz guruhda etakchi hisoblanamiz va bu vazifani bajara olamiz.

Har bir jamoa haqida alohida gapiradigan bo'lsak, raqiblarimiz borasida quyidagilarni aytishim mumkin: 

Bahrayn kuchli va bizga tanish jamoa. Bu terma jamoaning imkoniyatlarini, taxminan qanday uslubda o'ynashini bilamiz, chunki ular bilan bir necha marta uchrashuv o'tkazganmiz. KXDR terma jamoasi bilan ham kurash olib borgan edik. Ularga qarshi o'ynash oson emas, ammo shimoliykoreyaliklarni mag'lub eta oldik. Filippin va Yaman terma jamoalari haqida hech narsa deya olmayman, chunki Filippin bilan biror marta o'ynamaganmiz, Yaman bilan esa 90 yillarda bor-yo'g'i ikki marta to'qnash kelganmiz" - deydi Mirjalol Qosimov.

Uzbekiston terma jamoasi saralshni mehmonda KXDR terma jamoasiga qarshi o'yin bilan boshaydi. Bu borada Qosimov quyidagilarni takidladi:

"Birinchi uchrashuv doimo qiyin bo'ladi. Ammo har qanday turnirni g'alaba bilan boshlash juda muhim. Jamoamiz juda ahil va iqtidorli futbolchilardan tashkil topgan. Birinchi o'yinda 3 ochko olishga kuchimiz etadi" - deydi Qosimov.