Mirzakamol Kamolov: "Mag'lubiyatning sabablari ko'p"

- Mag'lubiyatga etarlicha sabablar bor. Birinchi navbatda raqibni mensimaganimiz eng katta aybimiz. Bu bahona emasku, ammo tabiiy maydonga moslashishimiz qiyin kechdi. Bilasiz, "Oq-tepa" uy uchrashuvlarini suniiy qoplamali maydonda o'tkazadi. Mashg'ulotlar ham shu erda bo'lib o'tadi. SHuning uchun tabiiy maydonda qiyinchilikka duch keldik. Ammo oliy ligani ko'zlagan jamoa uchun bu bahona bo'la olmaydi. SHu sabablar o'laroq biz o'zimiz xohlagan o'yinni ko'rsata olmadik va mag'lubiyatga uchradik.

"Lokomotiv-BFK" yaxshi jamoa. Mezbonlarning himoya chizig'ida tajribali futbolchilar o'ynadi. Ammo ular qarshi hujumda to'p surishdi va bizni jazolashdi. Biz o'z imkoniyatlarimizdan foydalana olmaganimiz tufayli yutqazdik. 3-tur o'yinlari start olguniga qadar 10 kundan oshiqroq vaqt bor. Bu muddat oralig'ida mashg'ulotlarda yanada zo'r berib ishlaymiz. Kamchiliklarimizni bartaraf qilishga va qolgan o'yinlarni yutishga harakat qilamiz. Sababi, bizni endi mag'lubiyat qoniqtirmaydi, - deydi Kamolov.

"Oq-tepa" matbuot xizmati