Mirshohid Tillaboev: "Muxlislar uchun qiziqarli turnir bo'ldi"

“Avvalam bor Futzal bo'yicha Osiyo chempionatiga bag'ishlangan ushbu kichik turnir tashkilotchilariga, ular qatorida Mirzahakim aka To'xtamirzaevga o'z minnatdorchiligimni bildiraman. Ushbu turnirdan asosiy maqsad sog'lom turmush tarzini qo'llab – quvvatlashga qaratilgan deb o'ylayman. Yurtimiz tinch, osmonimiz musaffo bo'lgani uchun shunday musobaqalar, turnirlar tashkil etilmoqda. O'yin haqida gapiradigan bo'lsam hakamlarimiz hammaga malum, jismoniy tayyorgarliklari shundoq ham bilinib turipti.

"Bunyodkor" jamoasi vakillarini ham barcha futbolchilari yaqin bir ikki yil oldin faoliyatini yakunlashgan. Ularning ham harakatlari o'yin davomida sezilib turdi. Bizni jamoaning asosini sanatkorlar va MOQ vakillaridan tashkil topgan. Bizning tarkibda havaskor futbolchilar bo'lgani uchun qolgan jamoalardan ancha kuchsiz ko'rindik. Lekin muxlislar uchun qiziqroq jamoa biz bo'ldik deb hisoblayman. Bu erda asosiy vazifa g'olib bo'lish emas balki muxlislar uchun chiroyli futbol namoyish etish. Avvalgi turnirda to'rtta jamoa qatnashgan bo'lsa bugungi turnirda 6ta jamoa ishtirok etdi. Bular, "Osiyo” jamoasi ular ham yarim professional futbolchilar hisoblanishadi. Bundan tashqari Oliy liga hakamlarimiz, “Bunyodkor” jamoasi xodimlari qo'shilgani ayni muddao bo'ldi. Bu safargi turnir avvalgisidan qiziqroq bo'ldi. Bunday turnirlar davomiy bo'lsa biz bundan albatta xursand bo'lamiz”, - dedi Mirshohid Tillaboev.