Mirjalol Qosimov: "Ektor Kuper? Menimcha, O'FA rahbariyati barchasini taroziga qo'yib qaror chiqaradi"
25 iyu 2018 05:17
Yangiliklar

Mirjalol Qosimov: "Ektor Kuper? Menimcha, O'FA rahbariyati barchasini taroziga qo'yib qaror chiqaradi"

"Bunyodkor" - "Navbahor" (2:1) uchrashuvidan keyingi matbuot anjumanida "qaldirg'ochlar" bosh murabbiyi Mirjalol Qosimov O'zbekiston terma jamoasiga kelishi kutilayotgan argentinalik mutaxassis Ektor Kuper haqidagi berilgan savolga javob berdi.

- "Ektor Kuper? Men bu vaziyatni baholay olmayman. Bu masalani hal etadigan va yakuniy qarorni qabul qiladigan O'FA rahbariyati bor. Menimcha, ular barchasini taroziga qo'yib qaror chiqarishadi. Hali Kuper terma jamoamizga rasman kelgani yo'q. SHu boisdan to'ydan oldin nog'ora chalmagan maqul", dedi Mirjalol Qosimov.

O'FA rahbariyati terma jamoaga murabbiy tayinlayotganda yoki nomzodlarni ko'rish jarayonida yaqindagina tashkil etilgan murabbiylar kengashidan (O'FA elon qilgan MTJ murabbiylar kengashidan SHota Arveladze ("Paxtakor"), Ro'ziqul Berdiev ("Nasaf"), Mirjalol Qosimov ("Bunyodkor") - "CA") tavsiya yoki maslahatlar oldimi, deyilgan savolga "Bunyodkor" bosh murabbiyi Mirjalol Qosimov quyidagicha javob berdi:

- Mendan hech kim maslahat so'ragani yo'q. Avvalambor xorijdan murabbiy kelishini jurnalistlar ko'p so'rashdi, matbuotda bong urildi. Marhamat, mana terma jamoaga chetdan murabbiy kelyapti. Biz esa terma jamoamizga qo'limizdan kelganicha yordam berishga doim tayyormiz.

Havola :

Manba : championat.asia

Yangiliklarni Telegramda o'qing!

Reyting: +52