Livan termasi ustozi Miodrag Radulovich: "Qatar musobaqa favoriti, ammo biz g'alaba uchun maydonga tushamiz"

Musobaqaning ochilish o'yinida Qatar va Livan terma jamoalari maydonga tushishadi. Ushbu uchrashuvdan oldin o'tkazilgan matbuot anjumanida Liven terma jamoasi bosh murabbiyi Miodrag Radulovich jurnalistlarning savollariga javob qaytardi.

- Ertangi o'yindan qanday natija kutmoqdasiz? Umuman tayorgarlik bosqichi qanday o'tdi?

- Musobaqaga etib keldik. Ha, tayyorgarlik uchun qisqa vaqt bo'ldi, ammo biz tayyormiz. Juda yaxshi formadamiz va bor kuchimizni ishga solamiz. Bu terma jamoada avval ham faoliyat olib borganman. Tajribali futbolchilarimizning imkoniyatlarini juda yaxshi bilamiz. Bizda juda kuchli yosh avlod shakllangan. Men terma jamoamdan ko'p narsa kutyapman. Men biroz tashvishga solgan narsa bu jarohatlar. Ertaga yaxshi natija qayd etishimizga ishonyapman. Qatar musobaqa favoriti, ammo biz ertaga g'alaba uchun maydonga tushamiz.

- Ushbu musobaqa siz va jamoangiz uchun nimani anglatadi. Musobaqadan oldingi ishtiyoq qanday?

- Hammada motivaciya katta. Barcha futbolchilarimiz bu kabi katta musobaqada ishtirok etishni orzu qilishgan. Men ularga bor kuchlarini berishlarini aytmoqdaman. Ertaga birinchi o'yin. Juda ko'p muxlislar bo'ladi. Uch ochko uchun o'ynaymiz, durang yoki boshqa natija uchun emas. Biz bu erda yaxshi natija ko'rsatmoqchimiz.

- Qatar guruhning favoriti. Bu guruhda o'z imkoniyatingizni qanday baholaysiz?

- To'g'ri, Qatar kuchli jamoa. Boshqa termalar ham kuchli. Xitoy va Tojikiston termalarining natijalari ham ular hozir qay darajada ekanliklarini ko'rsatmoqda. Hamma o'yinlar qiyin bo'lishini taxmin qilyapman. Ammo men optimistman va bu o'yinlarda yaxshi natija ko'rsatishimizga ishonaman.

Livan terma jamoasi futbolchisi Hasan Matuk:

- Biz juda qiyin paytlarni boshdan o'tkazdik. Ortga tashlangan qadamlar bo'ldi. Biz eng kamida insonlarni baxtli qilmoqdaman. Keyingi bosqichga chiqishimizga ishonmoqdamiz. Bilamiz, bu qiyin bo'ladi, ammo jamoadagi barcha bu narsaga ishonmoqda.

- Livan va uning atrofidagi holatlar sizga qanday tasir o'tkazadi?

- Bu savol siyosiy. Biz bor etiborimizni futbolga qaratganmiz.

Miodrag Radulovich OAVga intervyu beryapti

- Qatar terma jamoasi favorit. Ularga qanday noqulaylik tug'dirmoqchisizlar?

- Qatarni hurmat qilaman. Ular musobaqaning favoritlaridan biri. SHu bilan birga, biz uchun ham bu musobaqa haqiqiy sinov. Bundan tashqari, ushbu Osiyo kubogi orqali Jahon chempionati saralashi va keyingi Osiyo kubogida ishtirok etadigan yosh o'yinchilarimiz tajriba to'plashadi.

- Siz avval ham Livan termasini boshqargansiz. Oldingi va hozirgi terma jamoa o'rtasida qanday farq bor?

- Besh yildan keyin qaytdim. Menda yaxshi xotiralar bor. Oldingi safar tarixiy natija qayd etgandik. Bu safar ham shu narsani takrorlashimiz kerak. Bizda tajribali o'yinchilar bor, shu bilan birga, bizda yangi avlod ham etishib chiqdi. Farqqa kelsak, bizda hozir pozitiv energiya bor. Etakchilarimiz yaxshi ichki muhitni taminlab berishgan.

- Qatardagi Osiyo kubogi tashkilotchiligi haqida fikringiz qanday?

- Albatta, men Olimpiya o'yinlarida, o'tgan Osiyo kubogida va yana juda katta musobaqalarda bo'lganman. Tashkilotchilikdagi farqni ko'rib turibmiz. Hammasi alo darajada. Men Qatar hukumatiga bu ishlar uchun rahmat aytib qolaman.