"Milliy"da o'ynay olmayotgan milliy terma jamoa

Lekin stadion o'yin payti qulab tushayotgani yo'q, stadionga kirayotgan muxlis toyib ketib kasalxonaga tushmadi. Muammo faqat maysada xolos. Stadionni atrofidagi yana 4ta tabiiy maydon bor va ularning barchasi binoydekkina. Lekin stadionni ichidagi maysa yarim yilga bormay chirib ketaveradi, tuproqqa ildiz otib ulgurmayi. Avval ham bu erda stadion bo'lgan. Mozorga yaqin hududda esa akademiya qurilgan. U erdan yaxshi futbolchilar chiqib turibdi. Buning sababi boshqa! Aniq sababi shundaki, stadionning arxetekturasi ichidagi maysani ildiz otib ketishiga halaqit qiladi. Yaniy havo aylanmaydi, "cirkulyaciya" yo'q!

U erda eng qimmat maysa ekmang foydasi yo'q. Vaqt o'tib u ham kuchini yo'qotadi va har safar biz ko'radigan holatga kelib qolaveradi. Paytida "Bunyodkor" klubi stadionni ancha vaqtga yopib qo'ydi, foydasi bo'lmadi.

Agar shu yili yana Toshkentda o'rtoqlik uchrashuvini o'tkazdigan bo'lsak, "Paxtakor"da o'tkazaylik. Agar kelasi yil "Paxtakor"da qayta qurilish ishlari boshlanib ketadigan bo'lsa, JAR stadionini MTJni uchun chiroylikkina qilib tayyorlab qo'ysak bo'ladi. Milliy terma jamoamiz o'ynagan o'yinlarida bari-bir 10 000 nafar muxlis kelmayapti. Masalan KXDR bilan bahsda 6-7 ming nafar muxlis kelgan bo'lsada, 2700ta chipta sotilgan, bu juda kam!

Aynan shu stadiondagi pala-partishlik deb Livan bilan o'yini zo'rg'a yutganmiz va to'plar nisbatiga ko'ra JCHga chiqa olmadik. Janubiy Koreya bilan bo'lib o'tgan "JCH" o'yinida esa na koreyslar, na biznikilar o'ynay olishgan. Oxiri futbolchilar ham yorildi...

Milliy terma jamoamiz jozibador o'yin ko'rsatishini istasak, stadion manzilini o'zgartirishiz kerak.