"Milan" klub rivojlanishi strategisidagi o'zgarishlar haqida elon qildi

"Tez orada "Milan" rahbariyati bilan yana bir uchrashuv bo'lib o'tadi va unda jamoani CHempionlar ligasiga qaytarishga imkon beruvchi yangi biznes-reja mavzusi muhokama qilinadi. Klub rahbariyati yangi byudjet masalasini ham ko'rib chiqadi. Bu yo'nalishdagi maqsad - jamoaning UEFA moliyaviy feyr-pley doirasida raqobatbardoshligini oshirish.

Elliot Management klubga 50 mln. evro miqdorida pul ajratishga tayyorligini elon qildi va "Milan"dagi bugungi o'zgarishlar klubning kelajakdagi muvaffaqiyatlariga asos bo'ladi deb umid qiladi" - deyiladi "Milan" bayonotida.

Bugun, 21 iyul kuni Li Yonxong "Milan" prezidenti lavozimini tark etdi, uning o'rniga Paolo Skaroni tayinlandi. Rossonerlar bosh direktori Marko Fassone ishdan bo'shatildi, Devid Xan Li, Li Bo va Xu Renshuo direktorlar kengashini tark etishdi. Ularning o'rniga direktorlar kengashiga Marko Patuano, Jorjo Furlani, Stefano Kochirio, Salvatore CHerchione, Alfredo Gracha, Janluka D'Avanco va Frank Tuil kirdi.

Eslatib o'tamiz, avvalroq "Milan" qarzlar tufayli Elliot Management fondi qo'liga o'tgan edi. Li Yonxong o'z vaqtida Elliot Management fondidan olgan kreditini to'lay olmadi.