“Milan” A Seriyadagi mag'lubiyatsiz o'yinlarni 15 taga etkazdi

Stefano Pioli shogirdlari 37-turda “Atalanta”ni mag'lub etdi (2:0) va turnir jadvalida peshqadamlikni davom ettirmoqda.

“Rossonerlar” so'nggi bor 17 yanvar sanasida "Speciya"ga yutqazgandi (1:2). O'shandan beri klub 10 bor muvaffaqiyatga erishdi, jumladan, so'nggi o'yinlarda ketma-ket 5 ta g'alaba va 5 ta durang qayd etdi.

CHempionatning so'nggi turida "Milan" mehmonda "Sassuolo"ga qarshi maydonga tushadi, mazkur bahs 22 may kuni bo'lib o'tadi.