Mikel Arteta: “Uch ochko ham olishimiz mumkin edi, biroq buni uddalay olmadik”

“Juda shiddatli o'yin. O'yin nazoratimiz ostida o'tdi, ammo keyin o'zimiz g'alati gol o'tkazib yubordik va o'yin tizgini chiqib ketdi. Ikkinchi bo'limni yaxshi boshladik, ammo keyin nazoratni qo'ldan chiqardik.»Liverpul” uch yoki to'rtta gol urishi mumkin edi. To'g'ri, biz ham shuncha urishimiz mumkin edi, shuning uchun yakuniy hisob adolatli bo'lsa kerak.

Bu mavsumda hech kim “Enfild”da ustunlik bilan g'alaba qozonib ketganini ko'rmadim. Ular barcha top jamoalarni mag'lub etishdi. “Real Madrid” bilan o'ynashdi va ular dastlabki 20 daqiqada 4:0 hisobida oldinda borishlari mumkin edi. Bugungi durangda jamoamizning darvozabonini hissasi katta bo'ldi.

Uch ochko ham olishimiz mumkin edi, biroq buni uddalay olmadik. Biz oldinga o'tishimiz va o'yinning dastlabki 30 daqiqasida qanday o'ynagan bo'lsak, shunday o'ynashda davom etishimiz kerak edi.», — dedi Arteta.