Mikael Sekeyra: "O'zbekistonga futbol akademiyalari kerak"
20 iyu 2021 23:28
Yangiliklar
![](https://championat.asia/upload/storage/643783_original.jpg)
![](/upload/storage/643783_220.jpg)
Mikael Sekeyra: "O'zbekistonga futbol akademiyalari kerak"
"Yaxshi o'yin bo'ldi, birinchi taymni yaxshi boshladik. Birinchi taym oxirida gol o'tkazib yuborganimiz o'yinmiz yo'nalishini biroz o'zgartirib yubordi. Mag'lubiyatga uchradik, ammo o'yinchilar qo'yilgan vazifalarni bajarishdi", - dedi Sekeyra.
- "Lokomotiv" bu mavsum o'z maydonida safardagidan kamroq ochko olganini ko'rish mumkin. Gap stadiondami?
- Uydagi o'yinlarda uncha omadimiz kelmayapti. Yaxshi o'ynayapmiz, ammo g'alabaga erisha olmayapmiz.
- "Lokomotiv" qishda ko'plab yaxshi darajadagi futbolchilar olib kelingandi va klub oldiga chempionlik vazifasi qo'yilgandi. 10ta tur ortda qoldi va natija yaxshi emas. Yozda ham katta o'zgarishlar bo'ladimi?
- Hozirdan bir narsa deyishim qiyin. Ertaga nima bo'lishini hech kim bilmaydi. Barchasini vaqt ko'rsatadi. Men futbolchilarimning harakatlaridan qoniqish hosil qilayapman.
- "Lokomotiv"da qaysidir poziciya oqsagandek tuyulmayaptimi?
- Yo'q, bugun bunday narsa ko'rmadim. Yaxshi hujumlar qildik, menimcha "Qo'qon-1912" darvozaboni eng yaxshi bo'ldi. U ikki marta ajoyib seyvlar namoyish etdi.
- O'zbekiston chempionatida safarda o'ynaydigan jamoalar ko'pincha vaqt cho'zishadi. Faol o'yin vaqtining kamligi qanchalik tasir qiladi?
- To'g'ri aytdingiz, bunday holat futbolda uchrab turadi. Ikkinchi taymda bu narsa ko'proq bo'lmoqda.
- O'zbekiston terma jamoasining muvaffaqiyatsizligiga nima sabab bo'ldi deb o'ylaysiz?
- Birinchi navbatda akademiyalar yaratish kerak. Futbol shaharchasi yaratish kerak va yosh futbolchilarni tarbiyalash kerak.
- "Lokomotiv"ning o'zida ham akademiya yo'q, bu borada rahbariyat qandaydir ish olib borayaptimi?
- Ha, loyiha tayyor. Tez orada qurilishi boshlanib qolsa kerak.
O’xshash yangiliklar
![AMP Logo](https://championat.asia/image/logo-amp.png)
Fikrlar