Mikael Sekeyra: "Albatta, Portugaliyaga muxlislik qilaman va vatanim jamoasi chempion bo'lishini xohlayman"
15 iyu 2021 20:35
Yangiliklar

Mikael Sekeyra: "Albatta, Portugaliyaga muxlislik qilaman va vatanim jamoasi chempion bo'lishini xohlayman"

Navbatdagi Evropa chempionati ham sekin-asta qizib boryapti.

Yana bir necha daqiqalardan so'ng Portulgaliya terma jamoasi ishtirokidagi bahs start oladi. Portugaliya bugun Vengriyaga qarshi maydonga tushishadi. Bilasiz, "Lokomotiv" klubini ushbu mavsum boshidan beri portugaliyalik mutaxassis Mikael Sekeyra boshqarmoqda. SHu bois murabbiydan Evropa chempionati borasidagi fikrlarini so'radik.

- Albatta, men ham o'z Vatanim jamoasiga muxlislik qilaman va Portugaliya Evropa chempioni bo'lishini xohlayman, - deydi Mikael Sekeyra. - Lekin tan olish kerak, musobaqada kuchli jamoalar ko'p va oldindan kim chempion bo'lishini aytish qiyin. Franciya, Germaniya, Portugaliya, Ispaniya - bular eng kuchli jamoalar.

- Portugaliyaning chempion bo'lish imkoniyatlarini qanday baholaysiz?

- Bizda yaxshi jamoa bor, tarkib ham yoshlar, ham tajribali futbolchilardan iborat. O'yin uslubimiz ham yaxshi. Agar o'z o'yinimizni namoyish etsak, yuz foiz chempion bo'la olamiz.

- Lekin buning uchun avvalo guruhdan chiqish kerak bo'ladi?

- Juda qiyin guruhga tushganmiz. Vengriyadan tashqari Germaniya va Franciya bilan o'ynaymiz. Ammo men murabbiy va futbolchilarga ishonaman.

- Portugaliya safida eng yaxshi uch nafar futbolchi deb kimlarni ko'rsata olasiz?

- Yaxshi futbolchilar ko'p aslida. Lekin uch nafarini ajratib ko'rsatadigan bo'lsam, bular - Krishtianu Ronaldu, Ruben Diash va Joao Feliks. Bu ro'yxatni yana davom ettirish mumkin: Bernardu Silva, Diogo Jota, Rui Patrisiu va boshqalar.

Xayrulla Xoliqov suhbatlashdi