"Metallurg" qorli maydonda "Turon"ni mag'lub etdi

Raqib oldiga katta maqsadlarni qo'yayotgan Pro liga A ning yangi azosi – Farg'onaning “Turon” jamoasi bo'ldi.

Qor yog'ib turishi va biroz izg'irinli havoda o'tgan o'yin Superliga vakilining ishonarli g'alabasi bilan intiho topdi. Birinchi bo'limda yaypanliklar darvozasiga kiritilgan ikkita gol “Metallurg” ustunligini taminladi.

Har ikkala gol chap qanotdan boshlangan kombinaciya mahsuli bo'ldi. Dastavval Abror Toshqo'zievning qanotdan jarima maydoniga uzatib bergan to'pini Murod Bobojonov raqib darvozasiga joylab qo'ydi – 1:0. Keyingi golni esa Abrorning o'zi kiritdi. “Metallurg”ning yangi o'yinchisi Abdulhaqovning uzatgan to'pni jarima maydoni ichida Toshqo'ziev xotirjam to'xtatib, darvozaning olis burchagini aniq nishonga oldi – 2:0.

Mazkur uchrashuvda bekobodliklar ustozi Andrey SHipilov qo'l ostidagi barcha o'yinchilarning xizmatidan foydalandi. Ikkala taymda tarkiblar to'liq almashtirildi va zahiradagi futbolchilarga ham o'yin amaliyoti berildi.

Nazorat uchrashuvi.
“Metallurg” (Bekobod) – “Turon” (Farg'ona viloyati) – 2:0 (2:0). “Kimyogar” stadioni
Hakam: R.Abduvohidov.
Nazoratchi: O.Dachev.
Gollar: Murod Bobojonov (32), Abror Toshqo'ziev (38).