"Metallurg": Doniyor Odilovni tabriklaymiz!

U bo'ydoqlar safini tark etdi! “Osiyo grand” restorani tashrif buyurgan uzoq-yaqin qarindoshlar, yoru-birodarlar, do'stlar, jamoadoshlar Doniyorjon hamda Azizaxonlarni visol ayyomlari bilan samimiy muborakbod etishdi. Ularga uzoq umr, sihat-salomatlik, oilaviy baxt-saodat, ko'plab farzandlar tilashdi.

Visol to'yiga tashrif buyurgan zamonamizning mashhur, taniqli estrada yulduzlari, shou-biznes olamining yorqin vakillari kechaning yanada fayzli, tarovatli o'tishini taminlashdi.

“Metallurg” futbol klubi jamoasi, Doniyor Odilovni yaxshi bilgan, tanigan do'sti-birodarlari nomidan biz ham barcha ezgu tilaklarga qo'shilgan holda, yangi oilaning mustahkam, totuv, havas qilarlik darajada bo'lishini, kelgusi yili shu oilada chaqaloq yig'isining eshitilishini tilaymiz!