“Mashal”da yangi murabbiylar ish boshladi

Yangi mavsumga “gazchilar”ni yana Dilyaver Vanievning o'zi tayyorlaydigan bo'ldi. Endi unga murabbiylar shtabida Muhiddin Ortiqov yaqindan ko'maklashadi. Muxlislar yaxshi bilishsa kerak, Ortiqov ilgari asosan Sergey Lushanga assisentlik qilib kelgan.

“Mashal” rahbariyati shuningdek U-21 jamoasiga ham yangi bosh murabbiy tayinladi. Aniqrog'i 2017 yili birinchi ligada “Mashal-2” jamoasini boshqarib, ijobiy natija ko'rsata olgan, 2018-2020 yillarda “Andijon”da yordamchi murabbiy sifatida faoliyat yuritgan Diyorbek Mirzaboev yana “Mashal” jamoasiga qaytdi. O'tgan mavsum yoshlar jamoasini boshqargan Doniyor Dosanov esa sport direktori sifatida klubning tashkiliy ishlari bilan shug'ullanmoqda.

Muhiddin Ortiqov (chapdan ikkinchi)