Marufxon Murodov: "Ishonchni oqlab borayotganimdan xursandman"

- Dastlabki turlarda asosiy tarkibga tushish uchun ancha qiynaldim va harakat qildim. Ayniqsa jamoa boshqaruviga Ixtiyor aka Karimov kelganidan so'ng, menga kengroq imkoniyatlar yaratib berdi. "Neftchi" bilan uchrashuvda ham hal qiluvchi golni urib jamoam durrangga erishishiga yordam bera oldim. "So'g'diyona"ga qarshi o'yinda ham, jamoamga imkon darajada yordam berishga aniqrog'i, foydamni ko'rsatishga harakat qildim. Hammasi ko'nglimdagidek chiqayotganidan hursandman. Bundan keyin ham jamoamizning zafarli o'yinlariga o'z hissamni qo'shishga astoidil  harakat qilaman.

- Bevosita bugungi o'yinga to'xtaladigan bo'lsam, o'yin oson kechmadi. Lekin ahillik bilan harakat qilganimiz, jamoaviy o'yin ko'rsatganimiz natijasida g'alaba qozondik deb o'ylayman. Bu g'alaba bilan barchaga "SHo'rtan" hali ancha kuchga ega ekanini ko'rsatdik deb hisoblayman. Bundan keyin ham jamoamiz muhlislarini shunday irodali va chiroyli g'alabalar bilan hali ko'p bor baxtiyor qilishga harakat qilamiz deb umid qilaman, - deydi Murodov.

"SHo'rtan" matbuot xizmati