Lorente APLda mavsum startini o'tkazib yuboradi

Ispaniyalik futbolchi tatil vaqtida velosipeddan yiqilib, qo'lini sindirib oldi. Fernando Lorente 12 avgust kuni "Sautgemptorn"ga qarshi mehmondagi bahsda hamda "Manchester Yunayted" bilan bo'ladigan uy uchrashuvida ishtirok eta olmaydi.

"Suonsi" bosh murabbiyi Pol Klementning malum qilishicha, agar hammasi yaxshi bo'lsa, futbolchi 10 kundan so'ng mashg'ulotlarni boshlaydi.

"Agar hammasi yaxshi bo'lsa, 10 kundan so'ng u mashug'lotlarga kirishadi. Ammo u birinchi ikki o'yinda ishtirok etmaydi. Biz shoshmoqchi emasmiz, aks xolda 6 haftalik jarohat 6 oylik shikastlanishga aylanib ketishi mumkin" - deydi Klement.