"Lokomotiv"ning mag'lubiyatsiz seriyasi 23ta o'yinga etdi
29 apr 2016 12:09
Yangiliklar

"Lokomotiv"ning mag'lubiyatsiz seriyasi 23ta o'yinga etdi

Teglar : Lokomotiv

Kecha Toshkentning "Lokomotiv" klubi oliy liganing 7-turida "Olmaliq" klubini qabul qilib 4:0 hisobida zafar quchdi.

SHunday qilib, "temiryo'lchilar"ning mag'lubiyatsiz seriyasi davom ettirildi.

Jamoa rasmiy o'yinda so'nggi bor 2015 yil 12 sentyabr sanasida mag'lub bo'lgan. Oliy liga doirasidagi "Paxtakor"ga qarshi o'yin 1:2 hisobida tugagan.

SHundan keyin bo'lib o'tgan 23ta o'yinning hech birida "Lokomotiv" yutqazmadi.

O'tgan yil oliy ligada oxirgi 9ta turda, O'zbekiston kubogi yarim finali javob bahsida "Nasaf" bilan uchrashuvda, bu yil oliy liganing dastlabki 7ta turida, OCHL doirasidagi 5ta o'yinda va O'zbekiston kubogi 1/8 finalida "UzDongJu" bilan uchrashuvida "temiryo'lchilar" jami 18ta g'alaba va 5ta durang qayd etishdi.

Eslatib o'tamiz, "Lokomotiv" keyingi o'yinni 4 may kuni OCHL doirasida o'z uyida "Al Nasr"ga qarshi o'tkazadi. Ushbu bahsda Toshkent klubi mag'lub bo'lmasa guruhdan keyingi bosqichga chiqadi.

Havola :

Manba : championat.asia

Yangiliklarni Telegramda o'qing!

Reyting: +6