"Lokomotiv" yangi futbolchilarini tanishtirdi
04 mar 2021 15:40
Yangiliklar
![](https://championat.asia/upload/storage/623307_original.jpg)
![](/upload/storage/623307_220.jpg)
"Lokomotiv" yangi futbolchilarini tanishtirdi
Tadbir tafsilotlari bilan onlayn ravishda ushbu sahifa orqali kuzatib borishingiz mumkin bo'ldi.
Ravshan Muqimov, "Lokomotiv" sport direktori: "Portugaliyaning "Braga" klubida faoliyat olib borgan Mikael Sekeyrani klubimizga taklif qildik. Nasib qilsa, ushbu murabbiy bilan o'z maqsadimizga erishmoqchimiz.
SHundan so'ng klubga yangi kelib qo'shilgan futbolchilarni tanishtirish marosimi boshlandi. Tadbirni klub matbuot xizmati rahbari Xayrulla Xoliqov olib bordi. Eng avvalo yangi futbolchilar o'z taassurotlari bilan o'rtoqlashishdi.
Xurshid Muxtorov: Bu erda yaxshi jamoa shakllandi. Xudo xohlasa oldimizga qo'ygan maqsadga erishamiz.
Islom Qobilov: "Lokomotiv"ga o'tishimning asosiy sababi - barcha aytib o'tganidek, chempionlik uchun kurash. Bu erda ko'p o'ylanib o'tirmadim. Faqat chempionlik uchun kurashamiz.
Abdumavlon Abdujalilov: Jamoa oldiga doimo yuqori maqsadlar qo'yadi. Jamoadagi muhit alo.
Islom Rashidxonov: CHempion bo'lib yaxshi natija ko'rsatishga harakat qilamiz. "Lokomotiv" menga "Nasaf"ni eslatib yubordi. Bu erda yigitlar bilan tez chiqishib ketdi.
Javohir Sidiqov: Futbolchilar gapga usta bo'lmaydi. Qisqa gapirmoqchiman. Biz eng yuqori maqsad sari harakat qilamiz. Nasib qilsa, eng yuqori maqsad sari harakat qilamiz.
Sanjar Qodirqulov: "Loko"ga o'tganimdan xursandman. Yaxshi jamoa yig'ildi deb o'ylayman. Xudo xohlasa chempion bo'lishga harakat qilaman.
Ispaniyalik markaziy himoyachi Diego Bardanka: "Bu erda ekanligimdan xursandman. Ushbu klubdan taklif tushganidan so'ng boshqa variant haqida o'ylab o'tirganim yo'q. O'ylaymanki, oldimizga qo'yilgan maqsadga erishishga harakat qilamiz.
-Sanjar Qodirqulovga savol: Sizga Rossiyadan takliflar bo'lgani haqida xabarlar tarqalgandi... Bunga qanday izoh bera olasiz?
-Bu borada aniq taklif kelib tushgani yo'q. SHuning uchun ham "Lokomotiv" variantini tanladim.
-Javohir Sidiqovga savol: "Qo'qon"dan ijara asosida o'tdingiz. U klub bilan shartnomangiz qachongacha mo'ljallangan? Ijara muddati qachongacha davom etadi?
-SHartnomada barcha bandlar ko'rsatilgan. Uni barchaga malum qilish mumkin emas. SHuning uchun, bu savolni ochiq qoldirib turaman.
-Islom Rashidxonovga savol: Ro'ziqul Berdiev va portugaliyalik murabbiylar farqini qanday ko'rsata olasiz?
-Ro'ziqul aka jamoaviy o'yin tarafdori, Kanchelskis kuchga tayangan holda o'ynaydi, Sekeyra esa tezkor o'yinni maqul ko'radi. Bu o'yin uslubi ham menga maqul kelmoqda. "Navbahor" o'yin uslubida o'zimni ko'rmadim.
-Bardanka Ispaniya nashriga bergan intervyusida "O'zbekistonda jannatda yurgandekman" deb aytdi. Ispaniya va O'zbekistonni solishtirsak, bugungi kunda koronavirus bo'yicha vaziyat qanday?
-Pandemiya tomondan olib qaraydigan bo'lsak, bu erda vaziyat birmuncha engil. Bu meni hayron qoldirdi, shu bilan birga xursand bo'ldim.
-Islom Qobilovga savol: Oldingizda boshqa takliflar, hususan Koreyadan ham taklif bor edi. Nima uchun bu erda qoldingiz?
-To'g'ri, boshqa takliflar ham bor edi. Ammo klub rahbariyati bilan gaplashganimda, xorijdan taklif chiqsa ketishimga rozi ekanliklarini aytishgandi. Ammo orada bazi muammolar keldi va bu erda qolishga qaror qildim. Bu erda qolishimda murabbiyning o'rni ham katta bo'ldi.
Tadbir davomida "Lokomotiv" fan-klubi vakillari tomonidan bosh murabbiyga ramziy sovg'a - 12-raqam tushirilgan futboka taqdim etildi.
Savol - javob qismi yakuniga etganidan so'ng, futbolchilarga klub liboslari taqdim etildi.
Aziz To'xtamurodov yozib oldi
Foto: Jahongir Fayzullaev
O’xshash yangiliklar
![AMP Logo](https://championat.asia/image/logo-amp.png)
Fikrlar