"Lokomotiv" stadionida muzey tashkil qilinadi

Bilasiz, futbol klubimiz 2002 yilda tashkil etilgan va shundan beri faoliyat ko'rsatib kelmoqda.

"Lokomotiv" bu yil 13 yoshni qarshi oldi. Albatta, bu o'zbek futboli oldida katta raqam emas, lekin shu qisqa vaqt ichida "temiryo'lchilar" ozmi-ko'pmi yutuqlarga erishishdi. Xususan jamoamiz o'tgan yil milliy chempionatni ikkinchi o'rinda tugatdi, O'zbekiston Kubogida g'olib bo'ldi, shuningdek, bu yil O'zbekiston Superkubogida zafar quchdi.

Barchaga yaxshi malum, "Lokomotiv" o'z oldiga faqat yuqori maqsadlarni qo'yadi va jamoamiz professionallik sari odimlashda davom etmoqda. Endilikda klubning o'z oldiga qo'ygan asosiy vazifalaridan biri stadion hududida muzey tashkil etish hisoblanadi. Buning uchun Siz aziz muxlislarning ham yordami kerak bo'ladi.

Agar sizda "Lokomotiv"ga oid suvenir yoki boshqa narsalar bo'lsa, bemalol "Lokomotiv" futbol klubi muzeyiga topshirishingiz mumkin. Yaxshi bilasiz, dunyodagi ko'plab jamoalar o'z muzeylariga ega va stadionga kelgan muxlislar muzeyni aylanish imkoniyatiga ega bo'lishadi. Bizning niyatimiz mana shunday chiroyli "Lokomotiv" muzeyini tashkil qilish.

Buning uchun bemalol bizga murojaat qilishingiz mumkin. Murojaat uchun quyidagi elektron pochtaga xat yozing yoki telefon orqali biz bilan bog'laning.

Elektron manzilimiz: [email protected]
Telefon raqamlarimiz: +99871 286 24 12, +99891 642 31 89 (Xayrulla)