OCHL. "Lokomotiv" - "Al Ittihod" o'yiniga oid malumotlar
22 apr 2019 14:16
Yangiliklar

OCHL. "Lokomotiv" - "Al Ittihod" o'yiniga oid malumotlar

Bugun Osiyo chempionlar ligasi 4-tur doirasida "Lokomotiv" - "Al Ittihod" bahsi bo'lib o'tadi.

TTZ dahasidagi "Lokomotiv" stadionida bo'ladigan bahs soat 18:00da boshlanadi. Quyida mazkur o'yinga doir bazi malumotlarni keltirib o'tamiz.

- "Lokomotiv" OCHLdagi uchta o'yindan ikkitasida imkoniyatni boy berdi. Umuman olganda, "Loko" oxirgi 8ta uchrashuvdan beshtasida mag'lubiyatga uchragan.

- "Lokomotiv" Jidda shahrida bo'lib o'tgan birinchi uchrashuvda 2ta to'p kiritishga muvaffaq bo'ldi. Bu esa jamoa qatorasiga 7ta o'yinda raqib darvozasiga to'p kiritganini bildiradi.

- "Lokomotiv" Saudiya Arabistoni klublariga qarshi jami 9 marta maydonga tushib, shundan faqat bittasida g'alaba qozongan. Yagona g'alaba 2016 yil musobaqaning 1/8 final bosqichida "Al Hilol"ga qarshi bahsda (2:1) qo'lga kiritilgan.

- "Lokomotiv" yarim himoyachisi Jamshid Iskanderov o'tgan turda rekord o'rnatdi. U zaxiradan tushib gol urish bo'yicha eng yaxshi ko'rsatkichni qayd etdi. Iskanderov maydonga tushganidan so'ng 1 daqiqa, 6 soniya o'tib gol urdi.

- "Lokomotiv" ichki chempionatning oxirgi turida "Buxoro" mehmoni bo'lib, 2:0 hisobida zafar quchdi. Arslonmurod Amanov bilan Temurxo'ja Abduxoliqov tomonidan kiritilgan gollar "temiryo'lchilar"ga navbatdagi 3 ochkoni taqdim etdi.

- "Al Ittihod" hozircha OCHL guruh bosqichida 9ta gol urdi va bu borada qolgan jamoalar orasida eng yaxshi ko'rsatkich qayd etib turibdi.

- "Al Ittihod" shu paytgacha O'zbekiston klublariga qarshi 15 marta bahs olib borgan va faqat ikkita o'yinda mag'lubiyatga uchragan. Jiddaliklar qatorasiga 8 o'yindan beri yutqazishmayapti.

- Bu "Al Ittihod"ning Toshkentda "Loko"ga qarshi ikkinchi o'yini bo'ladi. Birinchisi 2016 yil o'tkazilgan bo'lib, 1:1 hisobi qayd etilgan. Uchrashuvda dastlab Gelmin Rivas hisobni ochgan va 89-daqiqada Sardor Mirzaev vaziyatni tenglashtirgandi.

- "Al Ittihod" o'z tarixida ikki marta (2004 va 2015) Osiyo chempionlar ligasida g'olib chiqqan. Bu jamoa so'nggi bor 2014 yil guruhdan chiqishni uddalagan.

- "Al Ittihod" ichki chempionatda oxirgi o'yinini o'z maydonida "Al Ittifoq"qa qarshi o'tkazib 2:0 hisobida zafar quchdi. Bu jamoa turnir jadvalida 10-o'rinni egallab turibdi.