"Liverpul"ning mavsumini hal qiladigan ikki o'yin

"Liverpul"ning butun mavsumi va hatto yozgi transfer rejalari jamoaning Premer-liga va CHempionlar Ligasidagi keyingi ikki o'yini natijasiga bog'liq bo'lishi mumkin. Bir necha oylik jarohatlar, nomuvofiqlik va klubning egalik bilan bog'liq maydon tashqarisidagi noaniqliklaridan so'ng jamoa bosh murabbiyi Yurgen Klopp va uning shogirdlari mavsumning eng hal qiluvchi bosqichiga etib kelishdi.

Agar natijalar yaxshi bo'lsa, bu "Liverpul"ning muvaffaqiyatga erishish imkoniyatini oshiradi va agar klubning bosh maqsadlaridan biri 19 yoshli yarim himoyachi Jud Bellingem yozda "Borussiya" Dortmundni tark etish istagini bildirsa, u yo'l olishi mumkin bo'lgan ko'plab manzillar orasida "Enfild"ga kelishga ko'ndirish uchun umidlarni yanada mustahkamlaydi. Ammo yomon natijalar jamoaning mavsumning qolgan qismini shunday o'tkazishiga sabab bo'ladi. "Qizillar" allaqachon Angliya Kubogidan chiqib ketdi, "hakkalar"ga qarshi bahsda mag'lubiyat 2023/24 yilgi mavsumda ingliz klubi uchun evrofutbol bo'lmasligiga va asosiy transfer nishonlarining boshqa joylarni tanlashiga sabab bo'ladi.

SHanba kungi "Liverpul"ning Premer-liga doirasida "Nyukasl"ga safari va Evropa CHempionlar Ligasi nimchorak final bosqichi birinchi o'yinida "Real" bilan kechadigan bahs jamoa uchun ikkita eng muhim o'yin bo'ladi. Ularni yutsangiz, sizga mavsumni saqlab qolish yo'li ochilishi mumkin. Bittasida yutqazish ularning ushbu musobaqada muvaffaqiyat qozonish borasidagi barcha umidlariga barham beradi. Ammo ikkala o'yinda ham mag'lubiyat qayd etilsa, bu "Liverpul"ning nafaqat CHempionlar Ligasini tark etishi, balki Angliya chempionatida kuchli to'rtlikka kirishni uddalash va kelasi mavsumda qitadagi klublar o'rtasida bosh musobaqaga yo'llanma olish umidlariga ham chek qo'yadi.

Dushanba kungi "Enfild" o'yingohida bo'lib o'tgan "Mersisayd derbisi"da ushbu mavsum omadi chopmayotgan "Everton" ustidan 2:0 hisobida qozonilgan ishonchli g'alaba 9-o'rinda joylashgan "Liverpul"ning 2023 yilda yutgan ilk o'yini bo'ldi. Bu uzoq kutilgan uch ochko Klopp va uning qo'l ostidagi o'yinchilarga joriy mavsumni ajoyib tazda o'tkazayotgan va jadvalning to'rtinchi pog'onasini band qilib turgan, shuningdek, mamlakat Liga Kubogi finaliga chiqishni uddalagan hamda "Liverpul"dan 9 ochko oldinlab ketgan "Nyukasl"ga qarshi "Sent Jeyms Park"ga g'alaba uchun borishga kuch beradi.

"Everton"dagi g'alabadan so'ng Kloppning munosabati shuni ko'rsatdiki, uning hafsalasi pir bo'lgan o'tgan bir necha haftaning alamini chiqarish uchun futbolchilar maydonni tark etganda havoni qayta-qayta g'oliblarcha mushtladi. Bu u ilgari bir necha bor qilgan ish edi. Lekin u bu safar o'zini boshqacha his qildi – bu nishonlashdan ko'ra ko'proq engil tortishga o'xshardi.

"To'g'risini aytsam, bunday qilishni istamagandim. Lekin bundan keyin yana qachon shunday qila olishingizni hech qachon bilmaysiz. Muxlislarimiz, nima qilishimni xohlashsa ham, barcha kiyimlarini echib tashlashdan boshqa barchasini qilgan bo'lardim. Odamlar buni so'ragani uchun shunday qildim va bu menga ulkan engillik bag'ishladi", – dedi Yurgen Klopp bu haqda.

Engil tortish ko'proq g'alabaga bog'liq bo'ladi, "Liverpul" joriy mavsumning ilk haftalaridan buyon ilk bor o'zining eski holatiga o'xshardi. Jamoaning har bir chizig'i o'z vazifasini alo darajada bajardi, oldinda harakatlangan Darvin Nunes (dastlab 75 mln evro) va Kodi Gakpo (37 mln evro) klub bu mavsumda mazkur istedodlarga nega bunday ulkan mablag' sarflaganini ko'rsatdi. Klopp o'z jamoasini yana o'zining haqiqiy jamoasidek o'ynashini ko'rishdan xursand bo'lardi – yuqori energiya, tezkor qarshi hujumlar, silliq paslar. Qayta uyg'onish uchun bundan yaxshiroq payt bo'lmasdi – hozir hammasi oldinda turgan "Nyukasl" va "Real"ga qarshi o'yinlarga bog'liq.

SHanba kungi "Enfild" egalarining "Nyukasl" bilan kuch sinashishi Premer-ligadagi kuchli to'rtlikka kirish umidi uchun nihoyatda muhim. Bu o'yinda qo'lga kiritiladigan uch ochko ularni "hakkalar" bilan farqni oltita qisqartirishga imkon beradi. Bitta zaxiradagi o'yin bilan yanada yaqinlashib olish mumkin. Durang yoki mag'lubiyat ularni bir necha kundan keyin "Real"ga qarshi bahs oldidan qiyin vaziyatda qoldiradi.

"Liverpul"ning Evropadagi obro'si ular har qanday raqibni har qanday maydonda mag'lub etishga qodirligini isbotlaydi, ammo "qirollik klubi" qitada bundan ham yuqori natijalarga erishgan yagona jamoadir. Ular o'tgan mavsum CHempionlar Ligasi finalida Parijda bo'lib o'tgan o'yinda "qizillar" ustidan 1:0 hisobida ustun kelishdi (2018 yilgi finalda ham Madrid tomoni g'olib bo'lgan edi, o'zaro olti o'yinda 5 ta g'alaba va 1 ta durang natijasi bilan ispan klubi oldinda), bu La Liga vakiliga psixologik ustunlik taqdim etadi. 

Hech bir klub o'z mavsumini saqlab qolish uchun Madridga qarshi ikki o'yinli CHempionlar Ligasida to'qnash kelishni istamaydi, ammo "Liverpul" keyingi ikki o'yinni o'z ambiciyalari buzilmagan holda o'tkaza olsa, mavsumning final bosqichiga ijobiy qarashga sabablar bo'ladi.

Agar ular 1/16 final bosqichida "Real"ni musobaqadan chiqarib yuborishsa, u holda "Liverpul"da Istanbuldagi finalga qadar yo'l olish imkoniyati hosil bo'lishi mumkin (ular o'z tarixida 2005 yilda "Otaturk" o'yingohida “Milan” ustidan qozonilgan ajoyib g'alabaga ega). Premer-ligada jarohatlangan o'yinchilarning qaytishi ular mavsumning hal qiluvchi bosqichida to'liq kuch bilan harakat qilishlarini anglatadi. Diogu Jota Jahon chempionatidan beri "Everton" bilan o'yinda ilk bor maydonga tushdi, Roberto Firmino va Virjil van Deyk ushbu o'yinni zaxira o'rindig'ida kuzatishdi, Luis Dias esa tizzasidan uzoq muddatli jarohat olganidan keyin safga qaytishga yaqin turibdi. "Enfild"ni o'rab olgan qora bulutlar tarqayapti.

Noyabr-dekabr oylarida Qatarda bo'lib o'tgan Jahon chempionati uchun 6 haftalik tanaffus elon qilingani tufayli Premer liga o'yinlari so'nggi ikki oylikka zich joylashtirilgan, "Liverpul" aprel va may oylarida jami 10 ta o'yin o'tkazadi. SHu muddat davomida 30 ochko to'planishi kerak, muhim o'yinchilarning safga qaytishi, Nunes va Gakpo o'z formasini topa boshlagan paytda Yurgen Klopp raqiblar musobaqaning qizg'inligini his qilganda jamoasi turnir jadvalida yuqorilashi mumkinligini yaxshi biladi.

Agar "Liverpul" keyingi ikki o'yinda mag'lub bo'lsa, aprel va may oylarida mavsumni saqlab qolish uchun juda kech bo'ladi. Ammo ularning mavsumi shu paytgacha hayratlanarli darajada omadsiz bo'lgan bo'lsa-da, hozircha ularni hisobdan chiqarish yaramaydi.