Leonid Senkevich: "Futbolchilarim futbol o'ynashni istashmayapti"
10 may 2018 22:18
Yangiliklar

Leonid Senkevich: "Futbolchilarim futbol o'ynashni istashmayapti"

O'zbekiston Pro-ligasi 8-turi doirasida "Nurafshon" - "Lokomotiv-BFK" (5:0) jamoalari o'rtasidagi uchrashuvdan keyin mehmonlar ustozi Leonid Senkevich o'z fikrlarini bildirib o'tdi.

"Yirik hisobda imkoniyatni boy berdik. O'tkazilgan barcha 5 golda o'z futbolchilarimni ayblayman. Negadir ular futbol o'ynashni istashmayapti. Vaholanki klub rahbariyati futbolchilar uchun barcha sharoitlarni yaratib bermoqda. Klubda moliyaviy tomondan muammolar yo'q. Uy uchrashuvlarini TTYMI stadionida qabul qilyapmiz. Futbolchilarga bundan ortiq yana nima kerak? Yordamchi murabbiylarim mashg'ulotlarni bugungi kun talabi darajasida olib borishmoqda. Bugungi mag'lubiyatdan keyin shunday mashg'ulotlarni o'tkazayotgan murabbiylarga achindim.
2016 yili Ispaniyada 1 oy davomida amaliyot o'tkazdim. Demoqchimanki, mashg'ulotlarni o'sha erda ko'rgan tartibim bo'yicha o'tkazib, ish uslubimga boshqacharoq tarzda yondashyapman. Futbolchilar esa murabbiylar mehnatini qadrlasin va o'z kasbiga hamda futbol maydoniga hurmat bilan qarasin.
Futbolda bir gap bor. Jamoa yutqazsa murabbiy aybdor bo'ladi", - dedi Senkevich.

Nematjon Ahmedov suhbatlashdi

Havola :

Manba : championat.asia

Yangiliklarni Telegramda o'qing!

Reyting: +8