La Liga. Mag'lubiyatlar girdobidagi “Atletiko Madrid” “Vilyarreal” mehmoni bo'ladi va 25-turning boshqa uchrashuvlari prevyusi
27 fev 2021 12:45
Yangiliklar

La Liga. Mag'lubiyatlar girdobidagi “Atletiko Madrid” “Vilyarreal” mehmoni bo'ladi va 25-turning boshqa uchrashuvlari prevyusi

Kecha Ispaniya chempionatida 25-tur o'yinlari start oldi.

O'tgan turda nimalar bo'lgan edi? “Real Madrid” mehmonda “Valyadolid” ustidan 0:1 hisobida g'alaba qozondi. “Barselona” o'z maydonida “Kadis” bilan 1:1 hisobidagi durangga imzo chekdi. “Real Sosedad” “Alaves”ga hech qanday imkoniyat qoldirmadi (4:0). “Atletiko Madrid” esa o'z maydonida mag'lubiyat qabul qilib oldi. “Levante”ga qarshi o'yinda jamoa 0:2 hisobida imkoniyatni boy berdi. SHu va boshqa natijalar bilan yakuniga etgan 24-turdan so'ng oldinda 25-tur kutmoqda. Quyida mazkur turning qiziqarli uchrashuvlari anonsi bilan tanishing.

Kecha turning dastlabki o'yinida bir kishi kam bo'lib qolgan "Atletik Bilbao" futbolchilari "Levante" maydonida 1 ochko ishlab olgan edi.

Turning markaziy uchrashuvi – “Sevilya” – “Barselona”

Oxirgi vaqtlar ishlari biroz orqaga ketayotgan “Barselona” mehmonda turnir jadvalida o'zidan 2 ochko orqada qolayotgan “Sevilya” bilan o'ynaydi. Qo'shimchasiga sevilyaliklar kataloniyaliklarga qaraganda bir o'yin kam o'tkazgan. “Barselona” ECHLdagi mag'lubiyat, “Kadis” bilan durangdan so'ng hafta o'rtasida “Elche”ga qarshi o'yin o'tkazdi hamda g'alaba qozondi. “Sevilya” esa o'tgan turda “Osasuna”ni mag'lub etgan edi. Ushbu bahsni hech ikkilanmay markaziy o'yin deyish mumkin. 27 fevral kuni soat 20:15 da boshlanadigan o'yin qanday natija bilan yakuniga etishini ko'ramiz.

Sevilla

LaLiga . 25-tur

27/02/2021, 19:15

Tugadi

Barcelona

Ousmane Dembele - 29', Lionel Messi - 85'

Stadion: Estadio R. Sanchez Pizjuan, 0 tomoshabin

Bosh hakam: Alejandro Hernandez

45'

90'

Match-senterda ochish

O'zaro o'yinlar: La Liga doirasida bo'lib o'tgan 153 o'yinning 36 tasida “Sevilya”, 83 tasida esa “Barselona” g'alaba qozongan. 34 uchrashuvda tomonlar 1 ochkodan bo'lishib olishgan.

Jamoalarning jarohatlangan futbolchilari:

Lukas Okampos, Markos Akunya (“Sevilya”). Ansu Fati, Serxi Roberto, Ronald Arauxo, Filippe Koutino (“Barselona”).

Mag'lubiyatlar girdobidagi “Atletiko Madrid” “Vilyarreal” mehmoni bo'ladi

Madridning “Atletiko”si o'z o'yinini stabil ko'rsatdi-yu, lekin so'nggi kunlarda biroz oqsoqlanishni boshladi jamoa. CHempionlar ligasida “CHelsi”ga mag'lubiyat, La Liga doirasida “Levante”ga imkoniyat boy berilishi ularga tasir qilgani aniq. Qizig'i, ushbu uchrashuvlarning barchasi Madridda bo'lib o'tgan. “Vilyarreal” o'tgan turda mehmonda “Atletik Bilbao” bilan durang o'ynadi. Jamoa ayni vaqtda 24 o'yin o'tkazib, 37 ochkoga ega. G'alaba qozonsa bir pog'ona yuqorila olmas, lekin mag'lubiyat ularni pastga tushirib yuborishlari mumkin. O'z maydonida oxirgi vaqt ishlari yurishmayotgan jamoani mag'lub etishga harakat qilishlari aniq. O'yin 28 fevraldan 1 martga o'tar kechasi 01:00 da boshlanadi.

Villarreal

LaLiga . 25-tur

01/03/2021, 00:00

Tugadi

Atletico Madrid

Alfonso Pedraza - 25', Joao Felix - 69'

Stadion: Estadio de la Ceramica, 0 tomoshabin

Bosh hakam: Ricardo De Burgos

45'

90'

Match-senterda ochish

O'zaro o'yinlar: Jami bo'lib o'tgan 39 o'yinning 14 tasi “Vilyarreal”, yana 14 tasi esa “Atletiko Madrid” g'alabasi bilan tugagan. 1 o'yinda esa durang qayd etilgan.

Jamoalarning jarohatlangan futbolchilari:

Alberto Moreno, Francis Koklen, Mario Gaspar, Visente Iborra (“Vilyarreal”). SHime Vrsalko, Yannik Karrasko (“Atletiko Madrid”).

Etakchilarsiz qolgan “Real Madrid” “Real Sosedad”ni qabul qiladi

Madridning “Real”ida ko'p etakchilar jarohat olgan. ECHL va La Liga doirasidagi so'nggi bahslarda jamoa g'alaba qozondi, lekin qiyinchilik bilan. Ayniqsa, CHempionlar ligasi nimochorak final uchrashuvida jamoa 86-daqiqada himoyachi Mendining goli evaziga g'alaba qozondi. “Real Sosedad” ayni vaqtda turnir jadvalida 5-o'rinda. Mag'lubiyat ularni pastga tushirib qo'ymaydi. 24-turda jamoa o'z uyida “Alaves”ni tor-mor etdi. Bu bahs ham “Real Madrid”ga oson bo'lmasligi aniq. Mazkur o'yin 1 martdan 2 martga o'tar kechasi 01:00 da boshlanadi.

Real Madrid

Vinicius Junior - 89'

LaLiga . 25-tur

02/03/2021, 00:00

Tugadi

Real Sociedad

Cristian Portu - 55'

Stadion: Alfredo Di Stefano, 0 tomoshabin

Bosh hakam: Jesus Gil

45'

90'

Match-senterda ochish

O'zaro o'yinlar: Ispaniya chempionati doirasida o'tkazilgan 147 o'yinning 83 tasida “Real Madrid”, 26 tasida esa “Real Sosedad” g'alaba qozongan. 38 uchrashuv durang bilan yakunlangan.

Jamoalarning jarohatlangan futbolchilari:

Federiko Valverde, Marselo, Eden Azar, Alvaro Odriosola, Daniel Karvaxal, Eder Militao, Serxio Ramos, Rodrigo, Karim Benzema (“Real Madrid”). Xoseba Saldua, Arits Aranbarri, Luka Sangali, Migel Anxel Moyya, Arits Elustondo, Karlos Fernandes (“Real Sosedad”).

SHuningdek, mazkur turda quyidagi uchrashuvlar ham o'tkaziladi:
27.02 18:00 (Toshkent vaqti) “Eybar” – “Ueska”
27.02 22:30 (Toshkent vaqti) “Alaves” – “Osasuna”
27.02 01:00 (Toshkent vaqti) “Xetafe” – “Valensiya”
28.02 18:00 (Toshkent vaqti) “Selta” – “Valyadolid”
28.02 20:15 (Toshkent vaqti) “Kadis” – “Betis”
28.02 22:30 (Toshkent vaqti) “Granada” – “Elche”