Kutilmagan xabar: "Al Nasr" jazoirlik futbolchini transfer qildi va Hamdamovga chiqish eshiklarini ochmoqda(mi)?
30 jan 2021 02:13
Yangiliklar
![](https://championat.asia/upload/storage/617112_original.jpg)
![](/upload/storage/617112_220.jpg)
Kutilmagan xabar: "Al Nasr" jazoirlik futbolchini transfer qildi va Hamdamovga chiqish eshiklarini ochmoqda(mi)?
Mehdi Obeid "Nant" klubiga 2019 yilda o'tgan va franciyaliklar bilan 2022 yilga qadar shartnoma imzolagandi. "Al Nasr" jazoirlik markaziy yarim himoyachini "Nant" klubidan sotib oldi va bugun mazkur o'tishni elon qildi. Etiborli tarafi shundaki, "Al Nasr" klubi Obeid bilan 1,5 yillik shartnoma imzolanganini malum qilib, qo'shimcha sifatida futbolchi yaqindagina jamoaga erkin agent sifatida qo'shilgan Doston Hamdamov o'rniga ro'yxatdan o'tkazilishi haqida yozgan.
Bundan ko'rinib turibdiki, "Al Nasr" Hamdamov bilan xayrlashish arafasida. Klub Hamdamov bilan o'rtadagi shartnoma ikki yoki bir tomonlama buzadimi yoki futbolchini ijaraga beradimi, bu hozircha nomalum.
Eslatib o'tamiz, Doston Hamdamov "Paxtakor" bilan shartnomasi tugagach "Al Nasr"ga tekinga o'tgan va amirliklar bilan 1,5 yillik shartnoma qilgandi.
Doston Hamdamov shu vaqt mobaynida "Al Nasr" safida kubok doirasida 1 va chempionatda ikki o'yinda ishtirok etdi. Etiborli tarafi, Hamdamov hamma o'yinda asosiy tarkibda tushdi, lekin hech bir uchrashuvni to'liq o'tkazmay zaxiraga olindi.
O’xshash yangiliklar
![AMP Logo](https://championat.asia/image/logo-amp.png)
Fikrlar