"Inter" va "Galatasaroy" Chalxanoglu transferi bo'yicha muzokaralarni boshladi

Avvalroq, turkiyalik xavbek va uning jamoadoshlari o'rtasida ziddiyat yuzaga kelgandi.

Klublar o'rtasidagi jahon chempionati 1/8 finalidan o'rin olgan "Inter" - "Fluminense" (0:2) o'yinidan so'ng Lautaro Martines shunday dedi: "Murojaat oddiy: qolishni xohlasangiz - qoling, xohlamasangiz - keting".

Klub prezidenti Beppe Marotta Lautaro Chalxanogluga murojaat qilganini aytdi. Milanliklar bosh murabbiyi Kristian Kivu vaziyatni hal qilish uchun favqulodda yig'ilish o'tkazdi.

Chalxanoglu "Inter" safida 2021 yildan buyon o'ynab kelmoqda. 31 yoshli yarim himoyachi o'tgan mavsum klub safida barcha musobaqalarda 47 ta o'yinda maydonga tushib, 11 ta gol urdi va 8 ta golli uzatmani amalga oshirdi.