Krishtianu Ronaldu: "Uyga qaytganimdan xursandman"

- Krishtianu, yana bir bor "Manchester Yunayted" futbolchisi ekanligingizni his qilish qanday bo'lmoqda?
- Bilasiz, bu klub bilan fantastik tarixim bor. Bu erga 18 yoshimda kelganman va 12 yildan so'ng qaytishdan xursandman. Jamoa tarkibidagi ilk o'yinimni sabrsizlik bilan kutyapman.

- Klubga qaytishingizda Ser Aleksning o'rni qanday bo'ldi?
- 18 yoshimda bu erda kelishimga aynan Ser Aleks sababi bo'lgandi. Ser Aleks - futboldagi otam. U menga ko'p yordam bergan va fikrimcha qaytishimga asosiy sababchi ham aynan u.

Oramizdagi munosabatlar alo darajada, doimo gaplashib turamiz, u yoqimli inson. Uni rostdan ham yaxshi ko'raman. Bu erga kelganim aynan uning sharofati.

- Hayotingiz va faoliyatingizdagi aynan shu qismiga kelib bu erga qaytganingizning sababi nima?
- Menimcha ushbu qarorga kelish uchun ayni fursat edi. Bu transfer menga kerak edi. "Yuventus"dan MYUga keldim - bu kitobning yangi bobi. Juda xursandman, tarixda o'z izimizni qoldirib, jamoaga sovrinlar yutishida yordam bermoqchiman.

- "Yunayted" muxlislariga qanday aytar gaplaringiz bor.
- Muxlislar - futboldagi asosiy faktor. Endi o'tgan yilgi kabi stadionlar bo'm-bo'sh bo'lmaydi. Muxlislar - muvaffaqiyat kaliti. "Manchester Yunayted" muxlislarini yaxshi bilaman, ular o'zgacha.

Ular hali hamon men haqimda qo'shiqlar kuylashini bilaman, bu esa meni yanada baxtliroq qiladi. Ularning oldidagi majburiyatim esa - maydonda yaxshi harakat qilib, qo'limdan kelgancha gollar urib, jamoaga yordamimni ayamaslik. Umid qilamanki, muxlislar buni tezda ko'rishni boshlashadi.