Kechagi vaziyatga Angliya nashri ham etibor qaratdi

O'yinning oxirlarida esa ko'ngilni xira qiladigan hodisa ro'y berdi. Avvaliga Jalol Masharipov koreyalik futbolchini tepgani uchun chetlatildi, undan keyin Tohir SHamsiddinov raqib o'yinchisini ochiqchasiga do'pposladi. Bu vaziyatga Angliyaning mashhur nashrlaridan biri "Mirror" ham etibor qaratdi.

Xususan "Mirror"ning rasmiy sayti www.mirror.co.uk da o'sha vaziyat tushirilgan videolavha joylandi va Masharipovning zarbasi kung-fu usulida tepish deya baholandi. SHuningdek, sayt muxlislar hukmiga bir nechta savolni o'rtaga tashlagan. Xususan, "Janubiy Koreya o'zbekistonlik ftubolchilarning jig'iga tegish uchun nima qildi?", "U-22 terma jamoasi haqida kimdir eshitganmi? Ularni nima jin urdi?", "Musobaqa "Qirol Kubogi" deb nomlanadi: lekin bu futbol musobaqasimi yoki "qonli o'yinmi?", "O'zbekistonlik futbolchi bunaqa tepishni JCH-2010 finalida "o'zini ko'rsatgan" Nayjel De Yongdan o'rganmaganmi?"

Bundan tashqari, sayt o'sha sahifaga "Qaysi futbolchi O'zbekiston terma jamoasiga mos tushadi?" degan so'rovnomani keltirib o'tgan va variantlar sifatida Joui Barton, Roy Kin, Nayjel De Yong va Diego Kostani misol qilgan.