Karrager "Liverpul"ni jiddiy tanqid qildi

Ayni damda Yurgen Klopp jamoasi 37 ochko to'plagan holda turnir jadvalida peshqadam bo'lib turibdi.

"Liverpul" APL chempionlari kabi ko'rinmayapti. Klopp jamoasidan tartibli va chiroyli futbol namoyish etishlarini haligacha kutyapmiz.

Buni ko'rsatish uchun ushbu oy ideal: yakshanba kuni "Manchester Yunayted"ga qarshi o'yin, bu uchrashuv natijasi ikkala jamoa uchun ham muhim. Keyin "Arsenal"ga qarshi bahs.

Ushbu oydagi o'yinlari orqali "Liverpul"ning qanday salohiyatga ega ekanligini ko'rishimiz mumkin. Ayni damda jamoa APL peshqadami bo'lib turibdi, biroq qanday sabab bilan, tushunmayapman. Turnir jadvali boshqa narsani ko'rsatyapti, ko'zlarim esa boshqa. Jamoa haligacha balansga tushib olmagan. "Liverpul"ni tayyor himoyachisiz tasavvur qilib bo'lmay qoldi.

"Liverpul"ning ushbu mavsumdagi biror o'yinini ko'rib, vau demadim. Jamoaning muxlislari ham ayni paytdagi jamoa etarlicha darajada yaxshi emas, deb hisoblashmoqda.

Jamoaning safar o'yinlaridagi natijalari ham beqaror: g'alabalar qiyin qo'lga kiritilmoqda, duranglarga ham osonlikcha erishilmayapti. Bu eng kuchli "Liverpul" deb aytishayotgan bo'lsa-da, g'alabalar bir necha yil davomida qurilgan asos evaziga qo'lga kiritilmoqda. Fikrimcha, bu "Liverpul" hali ham kuchaymagan", - dedi Karrager.