Karles Koto "Bunyodkor"ni tark etdi

Davralar oralig'ida klub selekciya ishlarini davom ettirmoqda. Jamoani kuchaytirishi mumkin bo'lgan yangi futbolchilar sinovdan o'tkazilmoqda. SHu bilan birga “Bunyodkor” safini futbolchilar tark etishmoqda.

Jumladan, ispaniyalik yarim himoyachi Karles Koto klub bilan kelishgan holda shartnomani bekor qildi. Unga klubimiz safida o'zini ko'rsatishga jarohatlar xalal berdi shekilli. "Bunyodkor" safida u jami 10ta o'yin o'tkazdi - 6 marta oliy ligada, 3 marta OCHL va 1 marta O'zbekiston kubogi doirasida.

"Bunyodkor" futbol klubi Karlesga jamoamizda o'tkazgan davr uchun rahmat aytadi, unga keyingi faoliyatida omadlar tilaydi!