Jurnalistlar matbuot anjumanida Iroq terma jamoasi bosh murabbiyiga hujum qilishdi

Osiyo kubogi nimchorak final bosqichidan o'rin olgan Iroq va Iordaniya o'rtasidagi uchrashuvda iroqliklar so'nggi daqiqalarda ikkita gol o'tkazib, alamli tarzda mag'lub bo'ldi. 

O'yindan keyin o'tkazilgan matbuot anjumanida iroqlik jurnalistlar terma jamoa bosh murabbiyi Xesus Kasas Garsiyaga katta norozilik bildirishdi. Dastlab, murabbiyga o'ta keskin savollar berildi. Mutaxassisning javobiga qoniqmagan jurnalistlarning savollari ketma-ket davom etaverdi va matbuot anjumani o'tkazilayotgan xonada tartibsizlik kelib chiqdi. SHundan so'ng, aksariyat iroqlik jurnalistlar xonani tark etishga qaror qilishdi. Ulardan bazilari norozilik bildirishda davom etdi va murabbiy o'tirgan joyga yaqinlasha boshlashdi. Murabbiy tomon harakatlanayotgan jurnalistlar yo'liga xavfsizlik xodimlari to'siq bo'ldi. Yakunda, xavfsizlikka masul xodimlari iroqlik jurnalistlarni xonadan chiqarib yuborishga majbur bo'lishdi.

Vaziyat yumshagandan so'ng, matbuot anjumani davom ettirildi. Iroq terma jamoasi bosh murabbiyi Xesus Kasas Garsiya ishtirokidagi matbuot anjumanini birozdan so'ng saytimizda o'qishingiz mumkin.