Jasur Hakimov: "Bu yoshdagi jamoalar o'rtasida katta farq yo'q. O'zbekiston U-17 Jahon chempionatida biz kutgan o'yinni ko'rsatadi"
08 noy 2023 12:30
Yangiliklar
![](https://championat.asia/upload/storage/769327_original.jpg)
![](/upload/storage/769327_220.jpg)
Jasur Hakimov: "Bu yoshdagi jamoalar o'rtasida katta farq yo'q. O'zbekiston U-17 Jahon chempionatida biz kutgan o'yinni ko'rsatadi"
- Har safar Jahon chempionati haqida gap ketganda 2011 yil Meksikadagi mundial ko'z oldimga keladi. O'sha turnirda ko'rsatgan o'yinlarimiz, g'alabalar, meksikalik muxlislarning yaratgan muhiti yodimda qolgan. Bu Jahon chempionati futbolimiz uchun o'sish bo'lgandi. Jahon chempionati futbolimiz tarixida yangi sahifa yaratgan. SHundan so'ng bolalar futboliga etibor oshdi. Akademiyalar, qulay sharoitlar yaratib berildi.
- Yangi Zelandiya bilan o'yindagi yirik hisobli mag'lubiyat kutilmagan zarba bo'lgandi. Yigitlar tushkun kayfiyatda edi. Bunday pallada murabbiyimiz ortimizda qanchadan-qancha muxlislar turganini, yaqinlarimiz g'alaba qozonishimizni kutib turganini aytgani yodimda. SHundan so'ng g'alabaga bo'lgan ishonch uyg'ondi. Natijada AQSH va CHexiyani mag'lub etib, guruhdan chiqqandik.
- Bu yoshdagi terma jamoalarimiz har doim yuqori salohiyatga ega bo'lgan. Indoneziyadagi Jahon chempionatida qatnashadigan terma jamoamizning o'yinlarini kuzatganman. Ular ham o'z yoshiga nisbatan yuqori saviyada o'yinlar ko'rsatishdi. Aytganimdek, o'smirlar miqyosidagi terma jamoalar o'rtasida katta farq bo'lmaydi. SHuning uchun, guruhda yigitlar biz kutgan o'yinni ko'rsatishadi. Bo'lajak mundialda ukalarimizga omad tilayman. Eng avvalo o'zlariga ishonishlarini va butun O'zbekiston ular bilan birga ekanligini hamisha yoddan chiqarishmasin.
O’xshash yangiliklar
![AMP Logo](https://championat.asia/image/logo-amp.png)
Fikrlar