So’nggi yangiliklar

09:3410 ойга четлатилган Тонали яна узоқ муддатга дисквалификация қилиниши мумкин  0 09:10«РБ Лейпциг» грандлар қизиқаётган футболчига нарх қўйди  0 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  3 08:25Фабрицио Романо Хаби Алонсонинг келажагини очиқлади  3 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  1 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  1 00:52Италиялик жаҳон чемпиони Қозоғистонга ташриф буюрди  6 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  16 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  1 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0

"Jarohat bilan bog'liq xarajatlarni "Nasaf" qopladi" - Yashil maydonga qaytgan SHerzod Nasrullaev bilan intervyu Yangiliklar

"Jarohat bilan bog'liq xarajatlarni "Nasaf" qopladi" - Yashil maydonga qaytgan SHerzod Nasrullaev bilan intervyu

Xabaringiz bor, Qarshining "Nasaf" jamoasi futbolchisi SHerzod Nasrullaev Superliganing 4-turida Toshkentda "Lokomotiv"ga qarshi bahsda og'ir jarohat olib maydonni tark etgan edi.


SHerzod Nasrullaev 3 oy deganda safga qaytdi


Amalda bu jarohat jiddiy bo'lib chiqdi va Nasrullaev deyarli 3 oyga yaqin vaqt davomida o'yinlarda ishtirok etgani yo'q. Kuni kecha 12-turda Yaypanda "Neftchi" bilan uchrashuvning 72-daqiqasida u yashil maydonga qaytdi. Xo'sh, tiklanish jarayonlari qanday kechdi? Buning uchun kimlarga minnatdorchilik bildirdi? Bu boradagi savollarga quyidagi intervyuda javob olishingiz mumkin. 

- Og'ir jarohat va tanaffusdan so'ng maydonga tushish qanday taassurotlar va hissiyotlarni berdi?

- O'ynab turgan futbolchiga birdaniga o'tirib qolish qiyin ekan. Maydonga qaytganimdan xursandman. Bu kunni intizorlik bilan kutdim. 

- Jamoadoshlaringiz o'rningizni qanchalik bilintirishmadi

- O'rnimda harakat qilgan Alibek Davronov va SHarof Muhiddinov yaxshi harakat qilishdi. OCHLda barcha bir oila bo'lib to'p tepdi. 

- Bu "Nasaf"da ichki muhit va jamoaviy ruh borligiga yana isbotmi?

- Albatta. "Nasaf"da doim jamoaviy ruh shakllanib kelgan. Ko'rgan bo'lsangiz xalqaro maydonda jamoadoshlarim raqiblaridan yaqqol kuchli o'yin ko'rsatishdi. 

- Tiklanish jarayoni qanday kechdi? Bu borada klub qanday amaliy yordam ko'rsatdi? 

- 2 aprel kuni "Lokomotiv"ga qarshi o'yinda jarohat orttirib oldim. O'sha uchrashuv shanba kuniga to'g'ri kelgandi. Elkam singani bois dastlab jamoamiz shifokori Maruf Berdiev bilan shahar kasalxonasiga bordik. Qo'lim gips qilindi. Oradan 2 kun o'tib 4 aprel sanasida Toshkentdagi "SHoh med" klinikasida jarrohlik amaliyotini o'tkazdik. 

- Xarajatlar kim tomonidan qoplandi? Bilamiz, "Nasaf" bunday holatlarga jiddiy qaraydi...

- Xarajatlarni "Nasaf" jamoasi ko'tardi, deb ayta olaman. 4 kundan so'ng uyga javob berishdi. Ota-onam, do'stim SHohruh Nematov doim yonimda. Ular dori-darmonlarni vaqtida berib borishdi. Ikki oydan so'ng yugurishni boshladim. Lekin shunda ham bo'g'imlarimda og'riqlar bezovta qilib turdi. Boz ustiga ortiqcha vazni ham olganman. Ochig'i hozir ham to'liq sport formasida emasman. "Nasaf" jamoasi jismoniy tayyorgarlik bo'yicha murabbiyi Ilnur Sibagatulin bilan har mashg'ulotdan so'ng tiklanish mashqlarini qilyapmiz. Menga yordam berayotgan barchaga minnatdorchiligimni bildirib qolaman. 

- "Nasaf" Yaypanda "Neftchi" bilan durang o'ynadi. Gapning ochig'i farg'onaliklar ayni paytda turnir jadvalining pastki o'rinlarida ketmoqda. Tanaffusdan so'ng raqib o'yinini kuchaytirganmi yoki shu kuni "Nasaf" o'z darajasida o'ynay olmadi?

- "Neftchi" bilan o'yinga qisqa vaqtda to'liq tarkib bilan tayyorgarlik ko'rdik. Bu baribir o'z tasirini o'tkazadi. Hamma turli holatda bo'lishi mumkin. To'g'ri aytdingiz, "Neftchi"ga qarshi muxlislar kutgan va o'zimiz istagan o'yinni ko'rsata olmadik. O'yindan oldin natijalar, turnir jadvaliga qaraganimiz yo'q. CHunki bu boshqa o'yin. "Neftchi" oxirgi uchrashuvda "Metallurg"ni 3:0 hisobida mag'lub etgan. Ularda kayfiyat ko'tarinki bo'lishi tabiiy edi. 

- Oldinda azaliy va principial raqib AGMK bilan o'yin kutmoqda... 

- Har bir o'yinda maksimal kuchimizni ishga solamiz. AGMK qarshi bellashuvda jamoamga ishonaman. Qo'limizdan kelgancha g'alaba uchun harakat qilamiz. Boshqacha bo'lishi mumkin emas.

- O'zbekiston terma jamoasining Osiyo kubogiga saralash bahslaridagi o'yinlari qanday taassurot qoldirdi? Srechko Katanec kelganiga bir yil bo'lyapti. U terma jamoamizga nimadir bera olyaptimi?

- Namanganda uchta raqibga qarshi jamoamiz yaxshi o'yin va kerakli natija ko'rsata oldi. Katanec har bir mashg'ulotda o'zining ko'rsatmalarini tushuntirishga harakat qilmoqda. U himoyada oddiy o'ynashni, oldingi chiziqda yani raqib tomonida to'pni nazorat qilishni aytadi. 

- Suhbat uchun tashakkur.


Yanada qiziqarli intervyular va faktlar muallifning shaxsiy telegram kanalida: Intervyular olami

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика