Janubiy Koreya JCHda o'ynagan tarkibni tarqatib yubordi

Birinchi navbatda terma jamoaning hozirgi tarkibi rasman tarqatib yuborildi. Endilikda koreyaliklar butunlay boshqa tarkib yig'moqchi. Yangi tarkib yig'ishda esa keyingi oy Indoneziyada bo'lib o'tadigan Osiyo o'yinlari muhim rol o'ynaydi.

Janubiy Koreya to'rt yilgi avvalgi Osiyo o'yinlarining amaldagi g'olibi hisoblanadi hamda bu safar ham ushbu musobaqaga yuksak maqsadlar bilan borish niyatida. Bu yilgi Osiyo o'yinlarida futbol musobaqasi 14 avgustdan 1 sentyabrga qadar bo'lib o'tadi va unda 32ta terma jamoa qatnashadi.

Musobaqa nizomiga ko'ra, faqat 1995 yilning 1 yanvaridan keyin tug'ilgan futbolchilar navbatdagi Osiyo o'yinlarida to'p tepish huquqiga ega. SHuningdek, yoshi katta uchta futbolchi ham yakuniy ro'yxatga kiritilishi mumkin. Ayni paytda Janubiy Koreya U-23 terma jamoasini boshqarayotgan Kim Xak Bum shu oyning oxirlarida Indoneziyaga boradigan tarkibni elon qilishini malum qilgan. Murabbiy Indoneziyaga yoshi katta o'yinchilardan birinchi navbatda 25 yoshli Son Xyon Mingni ham olib ketishni rejalashtiryapti.