Janubiy Koreya futbolida o'zgarishlar boshlandi

SHundan beri Koreya futbol associaciyasida ham o'zgarishlar ro'y bera boshladi. Xususan KFA texnik qo'mitasi rahbari etib 66 yoshli Kim Xo Gon tayinlandi. U shu paytgacha ushbu bo'limni boshqarib kelgan Li Yong Su o'rnini egalladi. Li Yong Su 15 iyun kuni SHitilike bilan birgalikda o'z lavozimidan olingandi.

Yangi rahbar Kim Xo Gonning ilk ishi milliy terma jamoaga yangi bosh murabbiy topish bo'ladi. Mag'lubiyatga uchragan bo'lsa-da, koreyaliklar hamon guruhda ikkinchi o'rinni egallab turishibdi. J.Koreya 31 avgust kuni o'z maydonida Eronni qabul qiladi va 5 sentyabr Toshkentda O'zbekiston terma jamoasi mehmoni bo'ladi.

Texnik qo'mitaning yangi rahbari Janubiy Koreya futboli uchun ko'p ishlarni amalga oshirgan. Xususan u murabbiylik qilgan paytda Koreya 2004 yilgi Olimpiada o'yinlarida chorak finalga qadar borgan. 66 yoshli mutaxassis 1988, 1992 yilgi Olimpiada o'yinlari hamda 1986 yilgi jahon chempionatida yordamchi murabbiy bo'lib ishlagan.

Kim Xo Gon 2015 yildan beri KFA vice-prezidenti lavozimida ishlab kelayotgandi.