Jamshid Saidov: "Derbi doim qiyin o'tadi"
28 noy 2019 11:19
Yangiliklar
![](https://championat.asia/upload/storage/531177_original.jpg)
![](/upload/storage/531177_220.jpg)
Jamshid Saidov: "Derbi doim qiyin o'tadi"
"Derbi-o'z nomi bilan derbi. Derbidagi o'yinlar qiyin kechadi. O'tgan turdagi mag'lubiyatdan keyin bugun muxlislarimizni xursand qilmoqchi edik. Raqib ham o'z o'yinini namoyish etish uchun tashrif buyurgandi. Futbol 90 daqiqadan iborat bo'ladi, yigitlarimiz iroda namoyish etib mag'lubiyatdan qutulib qoldi. Muxlislarga sovuqda bizni qo'llab-quvvatlab turgani uchun minnatdorchilik bildiraman. Qolaversa, futbolchilarga iroda namoyish etishgani uchun rahmat aytmoqchiman.
O'yin natijasidan qoniqdingizmi?
Umuman olganda qoniqdim. G'alaba qozonishni juda xohlagandik. Lekin yakunda durang natijasini qayd etdik.
Bosh murabbiy qani?
Aleksandr Xomyakov kecha licenziyasini yangilash uchun Kievga o'qishga ketdi.
Bosh murabbiyning yo'qligi bilindimi?
Albatta, bilindi. Lekin futbolchilar professional, o'z ishlarini qilishi shart.
Raqibdan qanday o'yin kutgan edingiz?
Yuqorida aytib o'tdim, derbi- bu derbi. Bunday o'yinlarda o'ynash doim qiyin. Birinchi davrada ham bu jamoa bilan durang o'ynagan edik. Ular ham bugun yaxshi o'yin namoyish etishdi. Biz ham muxlislar oldida o'zimizni oqlamoqchi edik.
Mamatkazin so'nggi daqiqalarni hujumda o'tkazdi. Bu Sizni ko'rsatmangiz edimi?
Ha, haqiqatdan ham Ildar so'nggi 25 minutda oldinga chiqishni xohladi. Vaziyatni o'zgartirishga ishtiyoqi yuqori edi. SHu bois oldinga o'tishiga ruxsat berdim.
Negadir yigitlarda ishtiyoq yo'qdek o'ynashmoqda?
Bilasizmi, bularni barchasi mablag'ga bog'liq. Hozir moliyaviy qiyinchilikni boshdan o'tkazyapmiz. Ular ham so'nggi turni g'alaba qozonib, o'z uyiga pul olib ketishmoqchi.
"Qizilqum" ga qarshi o'yinda jamoa g'alaba qozonadimi?
Men ham oddiy odamman, oldindan o'yin natijasini aytib bera olmayman. Lekin maksiman natijani qo'lga kiritishga va tatilga yuqori kayfiyatda chiqib ketishga harakat qilamiz.
O’xshash yangiliklar
![AMP Logo](https://championat.asia/image/logo-amp.png)
Fikrlar