Ixtiyor Toshpo'latov: "Afsuski, o'z oldimizga qo'yilgan vazifani bajara olmadik"

Xo'sh, Superliganing 2022 yilgi mavsumidan jamoa futbolchisi Ixtiyor Toshpo'latov qanday fikrda? Futbolchi bilan bog'lanib, mavsum yakunlari bo'yicha fikrlariga quloq tutdik. 

"Yakunlangan mavsumdan unchalik ko'nglim to'lgani yo'q. Aytalik, jamoamiz o'z oldiga qo'ygan vazifani bajara olmadik.  "Metallurg" uchun bu mavsumni yaxshi o'tkazdi. Hech bir jamoadan ortda qolganimiz yo'q. Biroq yuqorida aytganimdek, o'z oldimizga qo'yilgan vazifani bajara olmadik. 

Ispaniyalik mutaxassislar kelib, jamoa o'yinini ancha yaxshi tomonga o'zgartira oldi. O'yinlarimiz yanada mazmunli bo'ldi. O'yin tomonlama hech bir jamoadan ortga qolganimiz yo'q. 

"Metallurg" bilan shartnomam yil yakunida nihoyasiga etadi. Hali yangi shartnoma bo'yicha gaplashganim yo'q. SHu bois kelajagim borasida biror bir fikr ayta olmayman.

Bilasizmi, yakunlangan mavsum ancha qiziqarli va kurashlarga boy o'tdi. CHempionlik uchun kurash so'nggi turga qadar davom etdi. Qolaversa, bir nechta jamoalar unga davogarlik qildi. Avvalgi mavsumlarda bu masalani mavsum yakuniga etishiga 3-4 tur qolganda aniq bo'lardi. 2022 yilda esa raqobat 26-turga qadar bo'lib, barchani diqqat-markazida bo'ldi", - deya so'zini yakunladi Toshpo'latov.