Ixtiyor Karimov: "O'z xatoimiz tufayli "Qizilqum"ga yutqazib qo'ydik"

"Bugun mag'lub bo'lgan bo'lsak ham menimcha teng o'yin guvohi bo'ldik. Birinchi bo'limda vaziyatlardan foydalanish bo'yicha kamchiliklar ko'rinib qoldi. Ikkinchi taymda "Qizilqum" jamoasi futbolchilarining standart vaziyatdan unumli foydalanishi bizga tasir qildi.

Barcha futbolchilar mening ko'rsatmalarimni to'g'ri bajarishdi. SHunchaki vaziyatlardan gol ura olmadik. Biz har bir o'yinda g'alaba uchun maydonga tushayapmiz. O'zimizning xatoimiz tufayli "Qizilqum"ga yutqazib qo'ydik.

"Metallurg" jamoasi biz uchun doim noqulay hisoblanadi. Statistikaga qarasangiz barchasini ko'rasiz. Ammo yangi tarix ertadan boshlanadi", - deydi Ixtiyor Karimov.


"SHo'rtan" matbuot xizmati