Italiya chempionati. “Yuve” ikki to'p farqi bilan oldinda borayotib g'alaba qozona olmadi

“Atalanta” maydoniga safar uyushtirga turinliklar birinchi bo'limning birinchi yarmi ortda qolayotgan bir paytda ikki to'p farqi bilan oldinga chiqib olishdi. Bernadeski 21-daqiqada “Yuve” tarkibida ilk golini urgan bo'lsa, 24-daqiqada Iguain ham o'z hisobiga gol yozishga erishdi. Ammo mezbonlar 31-va 67-daqiqalarda ikki bor Buffon darvozasiga yo'l topa olishdi.  O'yin tugashiga olti daqiqa qolganida turinliklar uchinchi golni kiritishlari ham mumkin edi. Ammo mezbonlar darvozasiga belgilangan 11-metrlik jarima zarbasini chempionat to'purari Paulo Dibala aniq amalga oshira olmadi.

Natijada o'yin jangovar durang bilan intiho topdi. "Yuve" ketma-ket oltita g'alabadan keyin nihoyat, ochko yo'qotdi.

Italiya chempionati, 7-tur

Atalanta – Yuventus 2:2

Gollar:0:1 – 21 Bernardeski, 0:2 – 24 Iguain, 1:2 – 31 Kaldara, 2:2 – 67 Kristante.

Atalanta – Berisha, Kaldara, Palomino, Xatebur, Masello, Froyler, Spinaccola, Kurtich (Petanya, 56), Kristante (de Ron, 88), Gomes, Kornelius (Ilichich, 32).

Yuventus –Buffon, Kellini, Benatiya, Lixtshtayner (Bardzali, 66), Asamoa, Bentankur, Matyuidi, Bernardeski (Kuadrado, 69), Mandjukich (Duglas Kosta, 78), Dibala, Iguain.

Ogohlantirish: Lixtshtayner (58), Gomes (64), Palomino (80), Petanya (82).