Ispaniya. “Valensiya” mehmonda “Las-Palmas”ga yutqazdi

“Valensiya” jamoasi mehmonda “Las-Palmas” klubi mehmoni bo'ldi. Las-Palmas-de-Gran-Kanariya shahridagi “Gran Kanariya” stadionida o'tgan o'yinda maydon egalari 3:1 hisobida g'alaba qozonishdi.

Garchi “Valensiya” futbolchisi Santyago Lorenso uchrashuvdagi hisobni ochishga muvaffaq bo'lsada, yakunda g'alabani tantana qilish “Las‑Palmas” futbolchilariga nasib qildi.

Mezbonlar Lorensoning goliga Xonatan Viera, Maurisio Lemosa va Kevin-Prins Boatengning aniq zarbalari bilan javob qaytarishdi. 51-daqiqada hisob 1:1 bo'lib turgan bir paytda Munir El-Xaddadi maydondan chetlatildi.

“Las-Palmas” 20-turdan so'ng 28 ochko bilan turnir jadvalida 11-o'ringa ko'tarilib oldi. “Valensiya” esa 19 ochko bilan 15-pog'onadan joy olgan. “Ko'rshapalaklar” hisobida bitta zaxira o'yini bor. 

Ispaniya chempionati. 20-tur

“Las-Palmas” – “Valensiya” 3:1 (1:1, 2:0)

“de Gran Kanariya” stadioni

Gollar: 0:1 – 21 Santi Mina, 1:1 – 42 Viera, 2:1 – 57 Lemos, 3:1 – 61 Boateng

“Las-Palmas”: Varas, Masedo, Lemos, Bigas, Kastelyano, Gomes (Dominges, 65), Montoro, Mesa, Momo (Xalilovich, 73), Boateng, Viera (Livaya, 77).

“Valensiya”: Diego Alves, Joau Kanselu, Garay, Mangalya, Gayya, Soler (Montoyya, 87), Peres (Suares, 46), Parexo, Munir, Santi Mina, Nani (Dzadza, 67).

Ogohlantirishlar: Nani (27), Peres (44), Munir (48), Parexo (64), Mesa (82).

CHetlatish: Munir (51).