"Imkon" jamoasi qayta tiklanmoqda

Hozirgi kunda mazkur jamoani qayta tiklash bo'yicha samarali ishlar olib borilmoqda.

Bugun mazkur jamoa rahbariyati tomonidan maxsus yig'ilish o'tkazildi. Yig'ilishda “Imkon” futbol klubini qayta tiklash va jamoaning yangi mavsumda Pro-liga “V” guruhida ishtirok etishini taminlash va bu borada zaruriy tadbirlarni amalga oshirish masalalari muhokama qilindi.

SHuningdek, yig'ilishda jamoa boshlig'i va bosh murabbiy masalasiga ham oydinlik kiritildi. Unga ko'ra, Oltiariq futboli rivoji yo'lida mehnat qilib kelayotgan Muxammadziyohiddin Mirzaev “Imkon” futbol klubi raisi sifatida faoliyat yuritadigan bo'ldi. Tajribali murabbiylaridan biri Kamol Jo'nashev “Imkon” jamoasi bosh murabbiyi etib tayinlandi.

Jamoa azolari ertadan mavsumga tayyorgarlikni boshlashadi. Murabbiylar shtabi jamoa safiga mahalliy futbolchilarni taklif etishni rejalashtirmoqda. Mashg'ulotlar Oltiariq tumani Poloson qishlog'ida joylashgan “Imkon Arena” stadionida bo'lib o'tadi.