So’nggi yangiliklar

15:26Рафинья "Барселона"ни АПЛ клубига алмаштириши мумкин  1 15:00Суперлига. 30-турдан ОНЛАЙН натижалар  9 14:42Симеоне Серлотнинг "Атлетико"дан кетиши мумкинлиги ҳақида гапирди  0 13:32Вальвердеда яна бир АПЛ даъвогари пайдо бўлди  2 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  4 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  2 10:34ЎзПФЛ "йил футболчиси" учун номзодларни 5 тагача қисқартирди  16 10:10Месси жаҳон рекордини янгилади  37 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  9 09:18Сўнгги турларда Алиқуловни захирага "михлаб" қўйган мураббий истеъфога чиқди  2 09:15Виталий Левченко: "Танқид ва босимларни енгиб чемпион бўлдим"  11 08:52Нури Шаҳин: "Биз Аббосни жуда узоқ кутдик"  6 08:24"Башакшехир" устози Элдор Шомуродов ҳақида фикр билдирди  5

Sherzod Jo'raev: "Birdaniga jamoa tuzib bo'lmaydi, hammasiga vaqt kerak" Yangiliklar

Sherzod Jo'raev: "Birdaniga jamoa tuzib bo'lmaydi, hammasiga vaqt kerak"

Superliga 30-turidan o'rin olgan "Navbahor" - "Paxtakor" (1:1) uchrashuvidan so'ng namanganliklar vaqtincha bosh murabbiyi Sherzod Jo'raev matbuot anjumanida ishtirok etdi.

- O'yin haqida fikringiz?

- "Paxtakor"ga qarshi doim tengma-teng o'ynashga harakat qilganmiz, chunki "Navbahor"ning ham o'zbek futbolida o'z nomi bor. Bugungi o'yinga jiddiy tayyorgarlik ko'rdik. Maydonda "Paxtakor"dan kam emasligimizni ko'rsatishga harakat qildik. Mavsum boshida U-21 jamoamiz bilan oson bo'lmagandi, birinchi o'yinda texnik mag'lubiyat yozildi, keyin 2:6 hisobida mag'lub bo'ldik. O'zimizga kelib olish uchun vaqt kerak edi. Umuman sportning har bir turida muvaffaqiyatga erishish uchun vaqt kerak. Sergey Ivanovich ham yomon jamoa tuzgani yo'q edi. Lekin u kishining ketgani kimgardir yaxshi, kimgadir salbiy tasir qildi. Futbolda oldindan aytib bo'lmaydi, hamma narsaga tayyor turish kerak.

- Nima uchun "Navbahor" bu yil o'tgan mavsumdagi natijasini takrorlay olmadi?

- Bu haqda qisman yuqorida aytib o'tdim. Yil boshida boshqa murabbiy jamoani yig'di. Mening asosiy ishim esa U-21 bilan edi. Men ham o'z bilganlarimni futbolchilarga o'rgatishim uchun vaqt kerak. Tarkibni men yig'maganim uchun bu savolga javob berish oson emas. Faqat shuni aytishim mumkin, jamoadagi hamma qo'ldan kelgancha harakat qildi. To'g'ri aytdingiz, "Navbahor" mavsumni o'ziga mos bo'lmagan o'rinda yakunlaydigan bo'ldi. Sovrindorlar qatoriga kirsak bo'lardi.

- Klubda selekciya ishlari to'g'ri yo'lga qo'yilmagan deb o'ylaymiz. Hatto jamoada selekcioner ham yo'q.

- To'g'risi, asosiy jamoa uchun selekciya mavsum boshida qanday olib borilganidan xabarim yo'q. 

- Aksar futbolchilarning shartnomasi tugayapti. Ular bilan shartnoma yangilanadimi yoki yangi mavsumda yangi jamoani ko'ramizmi?

- Hech kimga sir emas, klubimiz rahbariyati yangi murabbiyga qidirmoqda. Muxlislarga tilagim shuki, qaysi murabbiy kelishidan qatiy nazar hammamiz birga bo'lsak, shundagina yakdil jamoaga aylanamiz. Hozir hamma kurashyapti, hamma bizga qarshi ikki karra kuch bilan o'ynaydi. Chunki "Navbahor" brend hisoblanadi. Birdaniga jamoa tuzib bo'lmaydi, hammasini to'g'ri tushunish kerak. Menimcha, yangi murabbiy kelgach ko'p narsa oydinlashadi.

- Siz jamoa boshqaruviga kelganingizdan so'ng uyda "Qizilqum" mag'lub etildi, "Nasaf" va "Paxtakor"dan ochko olindi. Lekin safardagi o'yinlarda nimadir etishmadi?

- Safarda "Xorazm" va "Mashal"dan ochko oldik. Balki hozir nimadir gapirsam, bahonaga o'xshab qolishi mumkin. U-21 jamoasida dastlabki 3ta tur juda qiynaldik, keyin esa sekin-asta o'zimizga kela boshladik. Asosiy jamoada ham ishlash oson emas, bosim doim yuqori bo'ladi. Lekin biz baribir muxlislarni xursand qilish uchun harakat qildik.

- Bugungi durang adolatli bo'ldimi?

- Agar imkoniyatlarimizdan foydalanganimizda yutib ketishimiz mumkin edi. Lekin gol urmadikmi, demak bunga o'zimiz aybdormiz. Agar ishlashda davom etsak, kamchiliklarni bartaraf etishga harakat qilamiz.

- Nima uchun bazi o'yinlarda bugungidek shiddat ko'rinmadi?

- To'g'risini aytsam, shu savolni futbolchilarning o'ziga ham berish kerak deb o'ylayman. Nima uchun bazi o'yinlarda ishtiyoq so'nib qolyapti? Men ham bu haqda futbolchilardan so'rab ko'rgan bo'lardim. Bazan raqiblarning ruhiyatiga tushib qoldik, bu ham salbiy tasir qildi.



Reyting: -1   

Fikrlar

+1   
30 noy 11:42:55
Xurshid Mamajonov
.
+1   
29 noy 21:12:50
NavBars
HAMMA UMID KELGUSI MAVSUMDAN ENDI.
ISHQILIB NATIJA QILA OLADIGAN MURABBIY KELSINDA.
+1   
29 noy 20:35:31
Жасурбек Фазилов
Хаммасига пул айбдор..бошка хеч кимда айб йук
   
29 noy 22:18:28
Farhod Uktamovich
Саволни эшитиб жавоб бериш керакда, хеч ким U - 21 ни сурагани йук, нима кераги бор 2 : 6 , техник маглубият, 3 та тур кийналгани
championat.asia
< so’nggi yangiliklarni ko’rish
Яндекс.Метрика