Ilhom SHaripov: “Dinamo”ning keyingi rejalari hozircha aniq emas”
10 jan 2020 11:44
Yangiliklar
![](https://championat.asia/upload/storage/538706_original.jpg)
![](/upload/storage/538706_220.jpg)
Ilhom SHaripov: “Dinamo”ning keyingi rejalari hozircha aniq emas”
Ammo hozirda muxlislar orasida “Dinamo”ni bu yil ham elitada o'ynashi mumkin degan gap-so'zlar yuribdi. SHu va jamoaning tayyorgaligi bo'yicha bilish maqsadida klub menejeri Ilhom SHaripov bilan suhbatlashdik.
- Ilhom aka, bugungi kunda Superliganing deyarli barcha jamoasi yangi mavsumga tayyorgarlikni boshlab yubordi. Xatto PRO-Liga klublari ham o'z qarorgohida shug'ullanayotganini ko'rmoqdamiz. Aytingchi “Dinamo”ning bu boradagi rejalari qanday?
- Yigitlarni 11 yanvar kuni Samarqandda yig'ishni rejalashtirganmiz. Ochig'ini aytsam, 15 yanvardan so'ng jamoaning keyingi taqdiriga to'liq oydinlik kiritiladi. Unga qadar tayinli gap aytish qiyin.
- Darvoqe, “Dinamo”ni yana Superligada ishtirok etishi mumkinligi to'g'risida gap-so'zlar yo'q emas. Bu borada jamoa menejeri sifatida qanday munosabatdasiz?
- O'zingizga yaxshi malumki, ortda qolgan chempionatda jamoamiz so'nggi o'rinni egalladi. Sport principlariga ko'ra, “Dinamo” Superligani tark etdi. Lekin men ham eshitdim, “Dinamo”ni yana elitada ishtirok etishi mumkin degan mish-mishlarni. Voqealar rivoji qanday kechishini vaqt ko'rsatadi.
- Nega, yuqorida 15 yanvar kuni ko'p narsaga oydinlik kiritiladi deb aytdingiz?
- SHu kuni rahbariyat bilan uchrashamiz va jamoaning kelajagiga aniqlik kiritiladi.
- Garchi “Dinamo” Superligani tark etgan bo'lsada, tarkibdagi futbolchilarni o'z safiga qo'shib olishni istayotgani klublar soni ko'p ekanligini eshitmoqdamiz.
- Bu quvonarli albatta. Bilasizmi biz futbolchilar bilan ikki yillik shartnoma imzolaganmiz. SHu bois ularning boshqa klubga ko'chib o'tishi ko'proq “Dinamo”ga bog'liq.
- Agarda “Dinamo” joriy mavsumni PRO-Ligada o'tkazadigan bo'lsa, tarkibdagi mahoratli futbolchilar Superliga klublariga berib yuboriladimi yoki olib qolinadimi?
- Tarkibni bosh murabbiy aniqlaydi. CHunki natijaga u javobgar. SHu bois bu borada Tachmurod Agamurodovning qarorini xurmat qilamiz.
O’xshash yangiliklar
![AMP Logo](https://championat.asia/image/logo-amp.png)
Fikrlar