Ilhom Mo'minjonov: "Maqsad Superligaga faqat chempionlik orqali chiqish"
14 iyu 2021 11:17
Yangiliklar
![](https://championat.asia/upload/storage/642417_original.jpg)
![](/upload/storage/642417_220.jpg)
Ilhom Mo'minjonov: "Maqsad Superligaga faqat chempionlik orqali chiqish"
O'yin haqida
- Bugungi o'yinda g'alaba qozonishimiz shart edi. CHunki 2 ta safarda oldiga Superliga yo'llanmasi vazifasi qo'yilgan jamoalarga mag'lub bo'lgandik. Bugun yana himoya chizig'imiz nolga teng o'yin ko'rsatdi. Hujum chizig'ida ikkita gol urdik, ular o'zlarini faolliklarini ko'rsatishdi. G'alaba bilan shogirdlarimni tabriklayman. Navbatdagi tur uchrashuvlariga yaxshi tayyorgarlik ko'rib ochkolar jamg'arishda davom etamiz. Maqsadimiz bitta, mavsum yakunida Superliga yo'llanmasini qo'lga kiritish. Bugun jamoamiz futbolchilari ko'zlari yonib o'ynashdi.
- Himoyachi Umar Adhamzoda bugun faol o'yin ko'rsatdi. Nega bu futbolchi ko'proq zaxirada qolayapti?
- Jami 20 nafar futbolchimiz bor. Saydullo Rahmatovda ozroq charchoq alomatlari ko'ringani bois bugun Umar Adhamzodani tushirdik. U bugun chiroyli o'yini bilan o'zini ko'rsatdi. CHempionat uzoq, shunga bugun Abdulloh Olimov, Saydullo Rahmatov kabi futbolchilarga dam berdik.
- Jamoa o'yin uslubida rang-baranglik yo'qdek. Hal qiluvchi o'yinlarda bu xolat pand berishi ehtimoli bor, bunga qanday izox berasiz?
- Biz rotaciyalarga qo'l urishda davom etamiz. Bugungi o'yinni boshqacharoq uslubda boshladik va yakunda g'alabaga erishdik. Undan oldingi mag'lubiyatli o'yinlarda omad etishmagani va charchoq pand berdi. Raqiblar bizga nisbatan ikkinchi bo'lib o'ynamoqda. Pro-ligada nomdor murabbiylar ishlaydi, ular bizni o'yinni kuzatadi, tahlil qiladi. Mashg'ulotlarda rang-barang uslublar ustida ishlaymiz.
- "Neftchi" ikki mavsumdan buyon Pro-ligada qolmoqda. Ayni vaqtda jamoa muxlislari sizdan faqat Superliga yo'llanmasini kutishayotgani aniq. Lekin oxirgi 2 turda eng yaqin taqibchi jamoalarga imkoniyat boy berildi. Xususan "Olimpik" bilan o'yindan so'ng bildirilgan fikrlarga nisbatan etirozlar kuzatildi...
- "Olimpik" bilan bahsda haqiqatdan mag'lub bo'ldik. Bundan tashqari omad ham etishmadi. Ikkinchi bo'limda futbolchilarimizning ko'plab harakatlari o'xshamadi. SHuningdek, zaxiradan tushirilgan futbolchilar ham o'zlarini ko'rsata olishmadi. To'g'ri, "Neftchi" ikki mavsumdan buyon Pro-ligada qolmoqda. Qaerdadir yo'l qo'yilgan xato evaziga shunday xolat yuzaga kelgan. Ishlashda davom etamiz, xatolarni tahlil qilamiz. Aytib o'tganimdek, maqsadimiz faqat chempionlik orqali Superliga yo'llanmasiga ega chiqish.
O’xshash yangiliklar
![AMP Logo](https://championat.asia/image/logo-amp.png)
Fikrlar