Iguain: "Yuventus" har qanday raqib bilan kurasha oladi"

"Fantastik natijaga yaqin turibmiz, bu mavsum orzular yili bo'lishiga umid qilamiz. Ammo CHempionlar ligasida hamma narsa hal emas, chunki "Monako" kuchli va finalga chiqish hozir ham so'roq ostida. Biz xotirjam bo'lishimiz kerak. "Real"ga qarshi final? Ha, bu men uchun o'zgacha vaziyat bo'ladi, chunki Madridda etti yil o'tkazganman.

Hozir chempionatga etibor qaratganmiz va "Torino"ni mag'lub etishga umid qilamiz. Bizni oldinga chorlaydigan muxlislar uchun harakat qilamiz. Muxlislar bizga ishonishadi va ular oila yoki do'st kabi bunga munosib. Kuchli ekanligimizni bilamiz, har qanday raqib bilan kurasha olamiz" - deydi Iguain.