Igor SHkvirin: "Oliy ligada "Barselona" yoki "Bavariya" ishtirok etmaydi"

"Safardagi birinchi g'alabadan xursandman. G'alaba bizga kerak edi. O'yinda juda ko'plab vaziyatlardan foydalana olmadik. Raqib safida Yovanovich va Berdiev kabi kuchli hujumchilar bor edi. Ikkinchi bo'limda "Andijon" hisobni tenglashtirib qo'yishi mumkin edi. Tojiev jarohat olgan, Inomov va Vagapovda ham jarohat bor. SHu bois tarkibda o'zgarishlar bo'lmoqda. "Andijon" ruhiy o'raga tushib qolgandek tuyulmadi. Jamoa hali o'z so'zini aytadi. Doim ham murabbiyni almashtirish foyda keltiravermaydi, albatta buni rahbariyat hal qiladi. Oliy ligada "Barselona" yoki "Bavariya" ishtirok etmaydi. SHu bois har qanday jamoaga qarshi o'ynab uni mag'lub etish mumkin", - deydi SHkvirin.