Igor SHkvirin: "Durang adolatli natija"

Dastlab savollarga mehmonlar bosh murabbiyi Igor SHkvirin javob berib o'tdi.

"Har ikki jamoada juda ko'p imkoniyatlar bo'ldi. Maydon egalari uch bor darvoza to'sinini  nishonga oldi. O'yinning qolgan qismlari teng kurashlar ostida kechdi. Durang adolatli natija", - deydi Igor SHkvirin

"Men legionerlarni ajratmayman va biz bir jamoamiz. Agar jamoam haqida gapiradigan bo'lsam,  ular mahalliy o'yinchilar bilan bir xil. Biz kuchli o'ynamoqchi bo'lsak, legioner yoki mahalliy futbolchi deb qaramaymiz va o'z o'yinimizni ko'rsatamiz. Darvozabonimiz ikki yildan buyon biz bilan, qolgan legionerlarimiz ham yaxshi saviyada".